च्यारिटी गर्न जुटे मिस यूके नेपाल सुन्दरीहरु

 

लन्डन । मिस यूके नेपाल २०१४ सुन्दरीहरु एउटा भिन्न च्यारिटी कार्यक्रम गर्न जुटेका छन् । करिब दुई महिना अघि सम्पन्न प्रतियोगितामा हार जित वेवास्ता गर्दै उनीहरु सामूहिक रुपमा ‘ब्यूटी वीथ अ परपोज’ नामक च्यारिटी गर्न लागेका हुन् । ‘ब्यूटी वीथ अ परपोज’ नामक च्यारिटी हुन लागेको यो चौंथो पटक हो । मिस यूके नेपाल प्रतियोगिताकी आयोजक शान्ति गुरुङको यो परिकल्पनालाई धेरैले प्रशंसा 
गर्दै आएका छन् ।

आगामी नोभेम्बर ८ तारिख सांझ ह्यारो बरो फुटबल क्लव हलमा कार्यक्रम तय गरिएको छ । यसवर्षकी मिस यूके नेपाल निया देवानले च्यारिटीबाट संकलित रकम नेपालमा चेलिबेटी वेचविखन विरुद्ध कार्यरत संस्था माइती नेपाललाई दिइने 
जनाइन् ।

‘गुड कज’ भएकाले कार्यक्रममा सहभागी भएर आर्थिक सहयोग गरिदिन सुन्दरीहरुले आग्रह गरेका छन् । टिकट मुल्य दश पाउण्डमात्र छ । कार्यक्रममा सुन्दरीहरुले आ आफ्नो कला प्रस्तुत गर्नेछन् ।