सोमबार, चैत १७ २०७६ | Mon, March 30, 2020
नेपालको समय: २१:२४ | UK Time: 16:39

चाल्टर्न नेपाली समाज यूकेमा भांडभैलो

विनेपाली
२०७१ असोज ६ गते १५:२१

kc
लण्डन । चाल्टर्न नेपाली समाज युकेमा पदीय लोलुपता सतहमै आएको छ ।
साउथ इष्ट लण्डनस्थित माउन्ट भ्यू रेष्टुरेन्टमा आइतबार भएको बार्षिक साधारण सभामा अध्यक्ष पदका लागि दुई उम्मेदवारवीच सहमति कायम हुन नसकेपछि अध्यक्ष चयनै नगरी साधारण सभा स्थगित भयो । साधारण सभाको निर्धारित समयसिमा साँझ पाँच बजेसम्म पनि अध्यक्ष पदका प्रत्यासीहरु पूर्व अध्यक्ष सुरज केसी र पूर्व उपाध्यक्ष रोमनाथ पाण्डेले अन्तिम समयसम्म उम्मेदवारी कायम राखेपछि सहमति हुन सकेन । एक घण्टा थपेको समयमा सहमतिका लागि अध्यक्ष पदका प्रतिस्पर्धी उम्मेद्वार टंक कंडेलले आफ्नो उम्मेदवारी फिर्ता लिदै सहमतिका लागि रोमनाथ पाण्डेलाई अन्त्तिम समयमा समर्थन गरेका थिए ।

पूर्वअध्यक्ष केसीले आफूले कसैलाई नछाड्ने अडान लिएपछि सहमति प्रयास बिफल भयो । बेलायतको साउथ इष्टस्थित चाल्टर्न निवासीलाई मात्र लक्षित गरि गठन गरिएको सामाजिक संथामा देखिएको विवादले चार्ल्टनबासी भन्न पनि लाज लागेको सभामा उपस्थित एक सदस्यले बताए । सभामा विद्वान र समाजको नेतृत्व गर्ने मानिसबीच नै चर्काचर्की भएको थियो ।
पूर्व अध्यक्ष केसीले अर्को कार्यकाल दोहोर्याउने जनाउदै उम्मेदवारी फिर्ता नलिए पछि अध्यक्ष बाहेकका पदहरुमा मात्र कार्यसमितिका पदाधिकारी तथा सदस्यहरु चयन गरी चाल्टर्न नेपाली समाज युके साधारण सभा स्थगित भयो ।

सर्बसम्मत चयन हुनेमा उपाध्यक्ष टंक कंडेल, सचिब टि एन रिजाल, सह-सचिब फुलप्रसाद कंडेल, कोषाध्यक्ष कृष्ण खरेल र सदस्यहरुमा एक महिलासहित ९ जना छन् । समाजको चर्को विवादलाई मध्ये नजर गर्दै संयोजक एलएन पाण्डेले निर्वाचन समितिले सबैसंग सल्लाह गरेर अध्यक्ष पदका लागि निर्वाचनको अर्को मिति तय गर्ने बताए ।

प्रतिक्रिया

सम्बन्धित सामाग्री

फेसबुक