लन्डन । बेलायतवासी मगर जातीको प्रतिनिधित्व गर्ने संस्था मगर संघ यूके आफ्नै भवन खरिद गर्न सफल भएको छ । डेढ वर्षको अथक प्रयासपछि संघले करिब तीन लाख ५० हजार पाउण्डमा घर खरिद गरेको हो । घर ७० कोभ रोड फ्लिटमा अवस्थित छ ।
हाउजिङ कमिटीका सदस्य एवं संघका सल्लाहकार योगकुमार फगामीका अनुसार, उक्त घरमा संघको कार्यालय रहनेछ भने मगर जाती सम्वन्धि धार्मिक कर्मकाण्डका लागि कार्यक्रम गर्न सकिने व्यवस्था छ । अब केही मर्मत गरि छिट्टै घर प्रयोगमा आउने बताइएको छ ।
घर किन्न सबै मगर जातीको पहल थियो । हाउजिङ कमिटी कोअर्डिनेटर एवं संघका उपाध्यक्ष राजन राना, सदस्यहरु जगत थापा, दलमान पुन, योगकुमार फगामी, घन थापा, संघका अध्यक्ष दूत पुन लगायत संघका समस्त पदाधिकारी, ट्रष्टीहरु, आजीवन सदस्यहरु, सदस्य र मगर समुदायबाटै चन्दा संकलन गरि घर किनिएको हो ।
हाउजिङ कमिटीले सबै चन्दादाताप्रति आभार समेत व्यक्त गर्दै आफ्नो महत्वकांक्षी योजना सफल भएकामा प्रसन्नता व्यक्त गरेको छ ।
