नेपाली मूलका पाठक विश्वका ‘प्रभावशाली अर्थशास्त्री’

काठमाडौं, भदौ १५ (नागरिक)– अन्तर्राष्ट्रिय मुद्रा कोष (आइएमएफ) ले सार्वजनिक गरेको आगामी दशकमा विश्व अर्थशास्त्रलाई बाटो देखाउने ‘प्रभावशाली २५ युवा अर्थशास्त्री’ को सूचीमा नेपाली मूलका पराग पाठक पनि परेका छन् ।
३४ वर्षीय पाठक अमेरिकाको म्यासाच्युसेट इन्स्टिच्युट अफ टेक्नोलोजी (एमआइटी) मा एसोसियट प्रोफेसर छन् ।
‘आगामी दशकमा विश्वको अर्थतन्त्रबारे बुझ्न ४५ वर्षभन्दा कम उमेरका यी अर्थशास्त्रीको भूमिका सबैभन्दा प्रभावशाली हुनेछ,’ आइएमएफले भनेको छ । हार्बड विश्वविद्यालयबाट सन् २००७ मा विजनेश इकोनोमिक्समा पिएचडी गरेका पाठकलाई सन् २०१२ मा ह्वाइट हाउसले ‘प्रेसिडेन्सियल अर्ली क्यारिअर अवार्ड’ प्रदान गरेको थियो । यो अवार्ड प्रारम्भिक चरणको क्यारियरका लागि प्रदान गरिने सबैभन्दा ठूलो अमेरिकी पुरस्कार हो । काठमाडौं डिल्लीबजार पुख्र्यौली घर भएका परागका पिता सत्तरीकै दशकमा अमेरिका गएका थिए ।