सोमबार, कार्तिक ३ २०७७ | Mon, October 19, 2020
नेपालको समय: २१:४१ | UK Time: 16:56

लण्डन, अल्डरसट र फोल्कस्टोन महको कार्यक्रम

वीनेपाली
२०७१ जेठ १० गते २:३५

लण्डन । लोकप्रिय नेपाली कलाकार महजोडीले युकेका विभिन्न तीन स्थानमा प्रस्तुति देखाउने भएका छन् ।
आयोजकहरुका अनुसार महजोडी(मदनकृष्ण श्रेष्ठ र हरिवंश आचार्य) को यसपटकको पहिलो कार्यक्रम अप्रिल २६ तारिखमा अल्डरसटस्थित प्रिन्सेस हलबाट शुरु हुने छ । त्यसको भोलिपल्ट लण्डनको ह्यारोस्थित ह्यारो लिजर सेन्टरमा करिब २ हजार सहभागीसामू महको बेजोड प्रस्तुति हुनेछ भने अन्तिम शो फोल्कस्टोनस्थित हकिङ्ज सेन्टरमा मे ४ तारिखका दिन हुने छ ।
कार्यक्रमको आयोजक सपन इन्टरटेनमेन्टले यहाँ एक पत्रकार सम्मेलन गरी दिएको जानकारीअनुसार नेपाली समुदायको अनुरोध आएमा अरु थप कार्यक्रम पनि हुने छ ।
महयात्रा नाम दिइएको सो कार्यक्रमका संयोजक कुल आचार्यका अनुसार विदेशिएका नेपालीलाई स्वदेशको सम्झना गराउन, नेपाली कला सँस्कृति जगेर्ना गर्न र कलाकारप्रति प्रवासका नेपालीको आदरभाव जागृत गराउन सो कार्यक्रम गर्न लागिएको हो ।
कार्यक्रममा लोकप्रिय गायिका अञ्जु पन्त, हरिवंश आचार्यका पुत्र संगीतकार मोहितवंश आचार्य तथा हाँस्यकलाकार नरेन्द्र कंसाकार लगायतको सहभागिता हुने बताइएको छ । साँझ ६.३० बजे शुरु हुने कार्यक्रम करिब ३ घण्टा लामो हुने छ ।
नेपाली नयाँ वर्षको अवसर पारेर आयोजना गरिएको सो यात्रा करिब ३ हजार नेपालीले प्रत्यक्ष हेर्ने आयोजकको दाबी छ । सम्मेलनमा दिइएको जानकारी अनुसार अल्डरसटको सोको लागि अगाडिको सिट पाउन ३० पाउण्ड, अग्रिम टिकट बुकिङ गरेमा १५ पाउण्ड र कार्यक्रमस्थलमै टिकट लिए २० पाउण्ड टिकट दर तोकिएको छ भने लण्डनको सोको लागि अगाडिको सिटका लागि २५ पाउण्ड, अग्रिम टिकट बुकिङ गरे १५ पाउण्ड र कार्यक्रमस्थलमै टिकट लिए २० पाउण्ड पर्ने छ । उता फोल्कस्टनका लागि भने अग्रिम बुकिङ गरे १५ पाउण्ड र कार्यक्रमस्थलमै टिकट किने २० पाउण्ड पर्ने छ ।
सपन इन्टरटेनमेन्टका सपनकुमार राईले महजोडीको कार्यक्रम विशुद्ध व्यापारिक कार्यक्रम भएको जानकारी दिँदै सबै कार्यक्रमहरु सपन इन्टरटेनमेन्टकै आयोजनामा हुने बताए ।
पत्रकार सम्मेलनमा कार्यक्रम संयोजक आचार्यले महजोडीलाई प्रवासी नेपालीका समस्याका बारेमा पैरवी गराउन आपूmहरुले सक्दो प्रयत्न गर्ने बताए ।

प्रतिक्रिया

सम्बन्धित सामाग्री

फेसबुक