प्रभु साहले खोले आम जनता पार्टी

काठमाडौँ। चुनावको मुखमा एमाले त्यागेर स्वतन्त्र उम्मेदवारी दिएका सांसद प्रभु साहले नयाँ पार्टी गठन गरेका छन् ।
आज घोषणा गरिएको नयाँ पार्टीको नाम आम जनता पार्टी रहेको र अध्यक्षमा प्रभु साह रहेका छन् । भेलाले ५१ सदस्यीय तदर्थ समितिसमेत गठन गरेको छ ।
जनताको चाहना र समयको आवश्यकतालाई आत्मसात गर्दै देशलाई अग्रगमनको दिशामा अगाडि बढाउन नयाँ पार्टी गठन गरिएको अध्यक्ष साहले बताए ।
यसैबीच साहको अध्यक्षतामा बसेको विस्तारित वैठकले स्वतन्त्र उम्मेदवार जिताउ अभियानमा सहभागी भई स्वतन्त्र उम्मेदवार जिताउन सहयोग गर्ने सम्पूर्णलाई धन्यवाद ज्ञापन गरेको छ ।