को-को अनुपस्थित भए प्रतिनिधिसभा सदस्यको शपथमा

काठमाडौँ-संघीय संसद्को तल्लो सदन प्रतिनिधिसभाका सदस्यको शपथ कार्यक्रममा चार सांसद अनुपस्थिति रहे ।

आइतबार प्रतिनिधिसभाको सभाहलमा भएको शपथ कार्यक्रममा सांसदहरु टोपबहादुर रायमाझी, महेन्द्रराय यादव, धर्मशीला चापागाईं र रेशम चौधरी अनुपस्थित रहेको संघीय संसद् सचिवालयका प्रवक्ता डा भरतराज गौतमले जानकारी दिए । रायमाझी पिताको निधन भएका कारण अनुपस्थित भएका हुन् भने चापागाईंकी आमाको निधन भएका कारण शपथमा आउन नसकेकी हुन् ।

यादव ब्यक्तिगत कारणले शपथमा सहभागी नभएका हुन् भने  चौधरी अदालतको आदेशमा पुर्पक्षका लागि थुनामा छन् ।

सांसदहरुलाई ज्येष्ठ सदस्य महन्थ ठाकुरले शपथ गराएका थिए । कूल २७५ सदस्यीय प्रतिनिधिसभाका सदस्यको शपथमा २७१ सांसद उपस्थित थिए ।