लन्डन आएर मिश्रले भने, ‘तेश्रो चरणमा पनि एमाले पहिलो’

लन्डन । एमाले वैकल्पिक पोलिटब्युरो सदस्य तथा पूर्वमन्त्री बंशीधर मिश्रले स्थानीय तहको तेस्रो चरणको निर्वाचनमा पनि एमाले नै पहिलो हुने दावी गरेका छन् ।

बेलायत भ्रमणका क्रममा एमाले निकट प्रवासी नेपाली 
मञ्चले बुधवार मिश्र र श्रीमति दुर्गा खड्का मिश्रका लागि गरेको स्वागत तथा अन्तरक्रिया कार्यक्रममा मिश्रले एमाले ठूलो पार्टी हुने दावी गरे ।

मञ्चका अध्यक्ष राजेन्द्र पुडासैनीलगायत सहभागी स्वागत कार्यक्रममा नेता मिश्रले एमालेले तराई मधेसमा धेरै बजेट छुट्याएर मधेसी जनताको जीवनस्तर उकास्ने कार्यक्रम ल्याएको समेत बताए । मिश्रले नेपाली राजनीतिका समसामायिक विषयमा छलफल समेत गरेका थिए । मञ्चका अध्यक्ष पुडासैनीले मिश्र दम्पत्तिलाई खादा लगाई स्वागत गरेका थिए ।