एनआरएनले नाकाबन्दी विरुद्ध भारतीय मिसनमा ज्ञापनपत्र बुझाउने

लण्डन । गैरआवासीय नेपाली संघ (एनआरएन) युकेले भारतले नेपालमाथि गरिरहेको नाकाबन्दीका विरुद्ध लण्डनस्थित भारतीय हाइकमिसनमा ज्ञापनपत्र बुझाउने भएको छ ।
एनआरएन युकेका महासचिव विजयविक्रम लिङदेनका अनुसार एनआरएन अन्तर्राष्ट्रिय समितिको विश्वव्यापी कार्यक्रमअन्तर्गत भोलि (मंगलबार) सो ज्ञापन पत्र बुझाउन लागिएको हो ।
सेन्ट्रल लण्डनको अल्वीचमा रहेको इण्डिया हाउसमा बिहान ११.३० बजे एनआरएन युकेले ज्ञापन पत्र बुझाउने कार्यक्रम राखेको छ । सो कार्यक्रममा उपस्थितिका लागि एनआरएन युकेले युकेका सबै नेपालीहरुलाई अनुरोध पनि गरेको छ ।
भोलि नै एनआरएनका राष्ट्रिय समिति बनेका सबै ७१ वटै मुलुकका भारतीय मिसनहरुमा ज्ञापन एनआरएनले ज्ञापनपत्र बुझाउने कार्यक्रम राखेको छ ।
यसअघि पनि एनआरएन युकेले भारतीय हाइकमिसनमा नाकाबन्दीका विरुद्धमा ज्ञापन पत्र बुझाइसकेको छ ।