पोखरामा यति एयरलाइन्सको विमान दुर्घटना

गण्डकी । यति एयरलाइन्सको यात्रुवाहक विमान आज बिहान पोखरामा दुर्घटनाग्रस्त भएको छ ।
सेती नदीको खोँचमा दुर्घटनाग्रस्त सो विमानको उद्धार कार्य जारी रहेको छ । उद्धारकर्ताहरुले हालसम्म ३२ जनाको शव निकालेको बताइएको छ ।
उद्धारका लागि सुरक्षाकर्मीहरू परिचालन भइरहेको र विमानमा लागेको आगो पनि निभाउने काम भइरहेको कास्कीका सहायक प्रमुख जिल्ला अधिकारी अनिल शाहीले जानकारी दिनुभयो ।
यती एयरलाइन्सको कलसाइन ९एन–एएनसी एटीआर–७२ विमान पोखरा अन्तर्राष्ट्रिय विमानस्थलमा अवतरण हुनुअघि दुर्घटना भएको थियो । नागरिक उड्डयन प्राधिकरणका अनुसार आठ जना विदेशी नागरिक र ६० जना नेपाली नागरिक थिए । जसमा ६२ जना वयस्क, तीन जना बालबालिका, तीन जना असक्त भएका व्यक्ति सवार थिए ।