विजय गच्छदार पराजित

इनरुवा । धेरै समय नेपाली राजनीतिको केन्द्रमा रहेका विजयकुमार गच्छदार यसपटकको निर्वाचनमा पराजित भएका छन् ।
२०४८ सालदेखि निरन्तर चुनाव जित्दै आएका गच्छदारलाई सुनसरी क्षेत्र नम्बर ३ मा नेकपा (एमाले)की उम्मेदवार भगवती चौधरीले हराइन् । मंगलबार सार्वजनिक भएको अन्तिम मतपरिणाम अनुसार चौधरीले ४० हजार सात सय ८८ मत ल्याएर विजयी भइन् । उनले नेपाली कांग्रेसका विजयकुमार गच्छदारलाई पाँच हजार एक सय ८८ मतान्तरले पराजित गरिन् । कांग्रेसका गच्छदारले ३५ हजार छ सय मत पाए ।
त्यसैगरी, राष्ट्रिय स्वतन्त्र पार्टीका उम्मेदवार कमलबाबु मैनालीले छ हजार चार सय ५३ मत प्राप्त गरे ।
२०४८ सालदेखि निरन्तर निर्वाचित हुँदै आएका कांग्रेसका गच्छदारको संसदीय यात्रामा पहिलोपटक ‘ब्रेक’ लागेको छ ।