काठमाडौँ–४ मा कांग्रेसका गगन थापाको ह्याट्रिक

काठमाडौँ । आगामी प्रधानमन्त्रीका रुपमा चित्रण गरिएका नेपाली काँग्रेसका महामन्त्री गगन थापा काठमाडौँ जिल्लाको निर्वाचन क्षेत्र नं ४ बाट प्रतिनिधिसभा सदस्यका लागि विजयी हुनुभएको छ ।
निर्वाचन अधिकृत शारदा पौडेलका अनुसार ४५ हजार नौ सय २९ मत खसेकामा २१ हजार तीन सय दुई मत प्राप्त गर्दै उहाँ विजयी हुनुभएको हो ।
थापाका निकटतम प्रतिद्वन्द्वी नेपाल कम्युनिष्ट पार्टी (एमाले)का राजन भट्टराईले १३ हजार आठ सय ५५ मत प्राप्त गर्नुभएको छ । थापा यसअघिका दुई निर्वाचनमा सोही निर्वाचन क्षेत्रबाट निर्वाचित भएका थिए ।