बुधबार, वैशाख १ २०७८ | Wed, April 14, 2021
नेपालको समय: १६:०८ | UK Time: 11:23

बेलायतका लागि नवनियुक्त नेपाली राजदुत लोकदर्शन रेग्मीद्वारा पदबहाली

वीनेपाली
२०७७ फागुन १७ गते १८:२०

लण्डन । बेलायतका लागि नवनियुक्त नेपाली राजदुत लोकदर्शन रेग्मीले सोमबार पदबहाली गरेका छन् ।

नेपालबाट आजै बेलायत आइपुगेका रेग्मीले लण्डनस्थित दुताबासमा पदबहाली गरेको दुताबासले जानकारी दिएको छ ।

यसअघि हिथ्रो विमानस्थलमा रेग्मीलाई दुताबासका उपनियोग प्रमुख श्रीमती रोशन खनाल, सैनिक सहचारी रत्नबहादुर गोदारलगायत दुताबासका कर्मचारीले स्वागत गरेका थिए ।

यसअघि प्रकाशित समाचारमा रेग्मीले क्वारेन्टिन अवधि पश्चात कार्यभार सम्हाल्ने उल्लेख भएकामा सच्याएको छ ।

को हुन् रेग्मी ? 

सन् १९६६ नोभेम्बर १६ मा स्याङजाको वालिङ नगरपालिका वडा नम्बर ७ मा जन्मिएका रेग्मी सन् १९९५ मा गृह मन्त्रालयको शाखा अधिकृत पदबाट निजामति सेवामा प्रवेश गरेका थिए । सन् २००२ मा उनी वन तथा भूसंरक्षण मन्त्रालयको उपसचिव भएका थिए । सन् २००६मा उनी अर्थ मन्त्रालयमा सहसचिव भएका थिए । सन् २०१४ मा उनी भूमिसुधार तथा व्यवस्था मन्त्रालयका सचिव भएका थिए । त्यसयता उनी अर्थ सचिव, गृह सचिवको कार्यभार सम्हाल्दै २०१७ देखि मुख्य सचिवका रुपमा कार्यरत थिए ।

रेग्मीले जनप्रसाशन विषयमा त्रिभुवन विश्वविद्यालयबाट स्नातकोत्तर गरेका छन् ।

रेग्मीले संसदीय सुनुवाई र बेलायतबाट एग्रिमो प्राप्त भएपछि बेलायतका लागि नेपालको २१ओैं राजदुतका रुपमा आफ्नो कार्यभार सम्हाल्नेछन् ।

प्रतिक्रिया

सम्बन्धित सामाग्री

फेसबुक