लण्डन । अल्डरसट क्षेत्रमा बसोबासरत मधुमेह र छारे रोग पीडितहरुलाई बिना अपोइन्टमेन्ट कोरोना खोप दिइने भएको छ ।
ग्रेटर रसमुर नेपाली कम्युनिटीका पूर्व अध्यक्ष जीव बेल्बासेले प्राइमरी केयर नेटवर्कका निर्देशक डा लुइस पेनसितको कुराकानीपछि सो तय भएको जानकारी दिएका छन् ।
यस्ता रोग लागेका कुनै उमेर समूहका व्यक्तिहरुले प्रिन्सेस हल अल्डरसटमा आगामी शुक्रबारदेखि खोपका लागि सीधै लाइन लाग्न सक्नेछन् । हाल खोपको आपूर्ति नभएका कारण आगामी शुक्रबारदेखि मात्र खोप लगाउन शुरु हुनेछ । खोप लगाउन बिहान ०८३० बजे देखि साँझ १७०० बजे भन्दा पहिला लाईनमा बसिसक्नु पर्नेछ।
यसरी खोप लगाउन जाँदा आफ्नो नाम, जन्म मिति, ठेगाना, जीपी नम्बर र आफूले खाइरहेको औषधिको नाम कागतमा लेखेर लग्नुको साथै पासपोर्टसमेत लिएर जाँदा सजिलो हुनेछ ।
