हिमालय उद्धार सङ्घमा नयाँ नेतृत्व

काठमाडौँ । हिमालय उद्धार सङ्घ (एचआरए) को अध्यक्षमा पर्यटन व्यवसायी हरिप्रसाद धरेल निर्वाचित हुनुभएको छ ।

शुक्रबार काठमाडौँमा सम्पन्न एचआरएको निर्वाचनमा अध्यक्ष धरेलसहित ११ पदाधिकारी तथा सदस्य निर्वाचित भएका हुन् ।

अध्यक्षबाहेक बाँकी सम्पूर्ण पद निर्विरोध निर्वाचित भएका थिए । अध्यक्षमा हरिप्रसाद धरेल २४ मत ल्याएर विजयी हुनुभएको थियो भने उहाँका प्रतिद्वन्द्वी वसन्तबहादुर हमालले जम्मा सात मत प्राप्त गर्नुभएको थियो ।

निर्विरोध निर्वाचित हुनेमा क्रमशः उपाध्यक्ष कुमार रानाभाट, महासचिवमा श्रीराम खत्री, कोषाध्यक्षमा सुशील अधिकारी तथा सदस्यमा विक्रम न्यौपाने, डिबी कोइराला, डम्बर पराजुली, सदस्यमा पृथ्वी श्रेष्ठ, परशुराम कार्की तथा सहयोगी सदस्यमा गोविन्द घिमिरे र यादव अधिकारी रहनुभएको सङ्घले विज्ञप्तिमार्फत जनाएको छ ।