लन्डन । गैरआवासीय नेपाली संघ (एनआरएनए यूके) को राष्ट्रिय अधिवेशन ७ सेप्टेम्बरका लागि तोकिएको छ । एनआरएनए यूकेको नयाँ नेतृत्वका लागि आगामी सेप्टेम्बर १४ मा निर्वाचन र अधिवेशन छुट्टाछुट्टै मितिमा गर्न लागिएको हो । १४ औं राष्ट्रिय अधिवेशन कनाट स्कुल अल्डरसटमा दिउँसो ११ बजेदेखि ५ बजेसम्म गरिने एनआरएनए यूके अध्यक्ष योगकुमार फगामीले बताए ।
यसैवीच, अध्यक्ष फगामीको अध्यक्षतामा शुक्रबार अल्डरसटमा बसेको उपलव्ध कार्यसमिति बैठकले कार्यविभाजन समेत गरेको छ । अध्यक्ष फगामीका अनुसार, निर्वाचन समितिसँग समन्वय गर्न र निर्वाचनको व्यवस्थापकीय पक्ष सरल बनाउन उपमहासचिब विनय अधिकारीलाई जिम्मा दिइएको छ ।
त्यस्तै, निर्वाचन निष्पक्ष बनाउन विदेशी सेक्यूरिटी अफिसर राख्ने र सिसिटिभी जडान गर्ने निर्णय बैठकले गरेको छ । यसका लागि कार्यसमितिले निर्वाचन समितिसँग समन्वय गर्नेछ । बैठकले परिचय पत्र वितरणको समन्वय गर्ने जिम्मा उपमहासचिब अधिकारीलाई दिएको छ । जसमा मिडल्याण्डमा सचिव तारानाथ भण्डारी, स्कटल्याण्ड राज्यपरिषद् अध्यक्ष मोहन कार्की, वेल्स राज्यपरिषद् अध्यक्ष रामचन्द्र पोखरेल, आयरल्याण्डका अध्यक्ष लिलाराम निउरे र महासचिव राजकुमार त्रिपाठीलाई जिम्मा दिएको पनि अध्यक्ष फगामीले बताए ।
