शुक्रबार, माघ १४ २०७८ | Fri, January 28, 2022
नेपालको समय: ००:१२ | UK Time: 18:27

पूर्वप्रहरी महानिरीक्षक खरेलको ‘आत्मकथा’

रासस
२०७५ असोज २१ गते २:१३

नेपाल प्रहरीका पूर्व महानिरीक्षक अच्युतकृष्ण खरेलको ‘आत्मकथा’ शनिबार राजधानीमा विमोचन गर्दै पूर्व राष्ट्रपति डा रामबरण यादव । तस्वीर – रोशन सापकोटा, रासस

काठमाडौँ, २० असोज – नेपाल प्रहरीका पूर्वमहानिरीक्षक अच्युतकृष्ण खरेलको ‘आत्मकथा’ विमोचन गरिएको छ ।

प्रहरी सङ्गठनमा तीनदशक काम गर्नुभएका खरेलले सङ्गठनमा काम गर्दा भोगेका सुख, दुःखका क्षणलाई समेटेर तयार पार्नुभएको पुस्तकको आज पूर्वराष्ट्रपति डा रामवरण यादव र अमर प्रहरी पत्नी वृन्द्रा अधिकारीले संयुक्तरुपमा विमोचन गर्नुभएको हो ।

सो अवसरमा पूर्वराष्ट्रपति डा यादवले पञ्चायतकालदेखि बहुदलीय व्यवस्थासम्म भोगेका भोगाइ समेटेर प्रहरी सङ्गठन प्रमुखले लेखेको पुस्तक वर्तमान र भावी पुस्ताका लागि पठनीय भएको बताउनुभयो । उहाँले आफू राजनीति जीवनबाट राष्ट्रपति बनेको बताउँदै राजनीतिकर्मी र प्रहरीबीचको सम्बन्धका बारेमा समेत पुस्तकमा उल्लेख गरिएको बताउनुभयो । “आउने पुस्ताले पुस्तकबाट पाठ सिक्नु जरुरी छ”, उहाँले भन्नुभयो ।

पुस्तकका बारेमा चर्चा गर्दा राजनीतिशास्त्री हरि शर्माले पुस्तकमा लेखकको कालखण्डको इतिहास झल्केको बताउनुभयो । “एक व्यक्तिको आत्मकथाबाट अर्को व्यक्ति मञ्जुर हुनुपर्छ भन्ने छैन, हरेक व्यक्तिको आआफ्नो आत्मकथा हुन्छन्”, उहाँले भन्नुभयो ।

लेखकले प्रहरी निरीक्षकमा खेलाडीका रुपमा प्रवेश गरेर सर्वोच्च पद आइजिपीसम्म पुग्दा गरेका सङ्घर्षलाई पुस्तकमा समावेश गरेको शर्माले बताउनुभयो । पुस्तकमा लेखकले विभिन्न घटना, परिघटना समावेश गर्नुभएको शर्माको भनाइ छ ।

लेखक एव्म पूर्वमहानिरीक्षक खरेलले जागिरको दौरानमा भएका अविस्मरणीय क्षणलाई पुस्तकमा समावेश गरेको बताउनुभयो । “पञ्चायतकालमा जागिर खाँदा होस् या बहुदल आएपछि जागिर खाँदा होस् यी सबै घटनालाई पुस्तकमा समावेश गरेको छु”, उहाँले भन्नुभयो ।

प्रतिक्रिया

सम्बन्धित सामाग्री

फेसबुक