शुक्रबार, असोज २ २०७७ | Fri, September 18, 2020
नेपालको समय: १२:३९ | UK Time: 07:54

लन्डनमा युरोपस्तरिय नृत्य तथा गायन प्रतियोगिता अप्रिल तेश्रो साता

वीनेपाली
२०७४ चैत १५ गते १०:५१

लन्डन । च्यारिटी कार्यक्रमबाट आजित बेलायतको नेपाली समुदायले अप्रिल तेश्रो साता भने केही फरक अनुभूति 
गर्ने भएको छ । भरपुर मनोरन्जनको प्याकेजसहित नेपाली कला संस्कृतिको प्रवर्धन र नव प्रतिभालाई मञ्च दिन लन्डनमा युरोपस्तरिय नृत्य तथा गायन प्रतियोगिता हुंदैछ ।

अन्तर्राष्ट्रिय नेपाली कलाकार समाज (इनास) यूकेले इनास युरोपको सहकार्यमा आगामी अप्रिल २२ का दिन छैठौं इनास युरोप महादेशस्तरिय एकल नेपाली नृत्य र तेश्रो गायन प्रतियोगिता गर्न लागेको जानकारी दिएको छ । शहीद उद्यम सिंह एसियन कम्युनिटी सेन्टरमा अपरान्ह कार्यक्रम हुन लागेको हो ।

बुधबार सांझ एभरेष्ट इन ब्ल्याकहिथमा आयोजित पत्रकार सम्मेलनमा इनास यूके पदाधिकारीले ति प्रतियोगिताको अन्तिम तयारी भइरहेको जनाए । कार्यक्रम संयोजक तथा इनास यूके उपाध्यक्ष प्रमोदराज न्यौपानेले २१ अप्रिलमा युरोप इनास छैठौं बैठक, बन्द सत्र र वार्षिक कार्ययोजनाबारे छलफल हुने तथा भोलिपल्ट २२ अप्रिलमा नृत्य र गायन प्रतिष्पर्धा गरिने जानकारी दिए ।

संयोजक न्यौपानेका भनाइमा डेनमार्क, जर्मनी, पोल्याण्ड, बेल्जियम, नेदरल्याण्ड, फिनल्याण्ड, स्वीटजरल्याण्ड, इटाली, स्पेन र बेलायत गरि दश युरोपेली देशका कुल ४८ प्रतियोगीले प्रतिष्पर्धा गर्दैछन् । कार्यक्रममा नेपाल र अमेरिकाबाट समेत कला क्षेत्रका हस्तीहरु मधु क्षेत्री, धिरेन शाक्य, दमन रुपाखेती, कृष्णभक्त महर्जन, नारायण पुरी, परशुराम रिजाल आदि अतिथीका रुपमा सहभागी हुने आयोजकले जनाएका छन् ।

निर्णायकहरु इनास कार्यसमिति बाहिरबाट राखिनेछ ।

लन्डनमा अडिसनपछि छानिएका तीन तीन जनाले बेलायतको प्रतिनिधित्व गर्दै गायन र नृत्य प्रतियोगितामा भाग लिने छन् भने अन्य देशका दुई जना प्रतिष्पर्धामा उत्रनेछन् । गायन र नृत्य प्रतियोगिता दुवैमा एउटा आइटम लोक संस्कृति झल्कने र बांकी आफूखुशी प्रस्तुत गर्न सकिने आयोजकले जानकारी दिए ।

प्रतियोगितामा प्रथम पुरस्कार स्वरुप विजेताले ७०१ युरो नगद, ट्रफी र सर्टिफिकेटका साथै मोडलिङ र गीत रेकर्डिङको अवसर पाउनेछ भने फस्ट र सेकेन्ड रनर हुने प्रतिभाले क्रमशः ५०१ र ३०१ युरो, ट्रफी र सर्टिफिकेट पाउनेछन् । ति विजेतालाई इनासको सदभावना दूत बनाइ युरोपका विभिन्न फोरममा सहभागी गराइने आयोजकको दावी छ ।

तस्विर- शिव भण्डारी

पत्रकार सम्मेलनमा इनास यूके प्रमुख संरक्षक तथा ग्लोवल महासचिव मनिषकुमार श्रेष्ठले कार्यक्रम व्यवस्थित रुपमा सम्पन्न गर्न ठूलो चुनौति र जिम्मेवारी रहेको बताउंदै सहयोगका लागि समस्त मिडियाकर्मी समक्ष अपिल गरे ।

इनास यूके अध्यक्ष रजनी सुनुवार, महासचिव सञ्जय भक्त कंडेल र प्रतियोगिता संयोजक न्यौपानेले सञ्चारकर्मीहरुको जिज्ञासा मेटाउंदै कार्यक्रम सफल पारिदिन सबैमा अनुरोध गरे ।

कार्यक्रममा सल्लाहकारहरु यादव भण्डारी, दीपक श्रेष्ठ लगायतले शुभकामना दिंदै आ आफ्ना सुझाव सल्लाह दिएका थिए ।

नेपाली कला, संस्कृति, भाषा, साहित्यको प्रवर्धन र संवर्धन 
गर्ने उद्देश्यले इनास सञ्जाल हाल विश्वका ६५ देशमा 
फैलिइसकेको छ ।

तस्विर गणेश खड्का/यूके नेपाल लाइभ

प्रतिक्रिया

सम्बन्धित सामाग्री

फेसबुक