काठमाडौं—प्रहरीले नक्कली सशस्त्र प्रहरी बनेर ठगी गर्ने एक युवतीलाई पक्राउ गरेको छ । ४ चैतमा आफू सशस्त्र प्रहरी रहेको र सशस्त्र प्रहरीमा जागिर लगाइदिन्छु भन्दैं ठगी गर्ने कोपिला बोहरालाई प्रहरीले तारकेश्वरको लोकतान्त्रिक चोकबाट पक्राउ गरेको हो ।
प्रहरीले सिन्धुपाल्चोक बलेफीकी २७ वर्षीया बोहराले आफूलाई मन्जु बुढाथोकीका रुपमा चिनाउँदै आएकी थिइन् । उनले आफू सशस्त्र प्रहरी बलको सहायक निरीक्षक हुँ भन्दै नक्कली सशस्त्र प्रहरी बनी विभिन्न ठाउँमा महिलाहरुसँग रकम लिई ठगी गरेको महानगरीय अपराध महाशाखाले जनाएको छ । उनले आफूले सशस्त्र प्रहरीको ड्रेस लगाएको फोटो देखाउँदै ठगी गर्ने गरेको प्रहरीले जनाएको छ ।
उनले पाँच जना महिलाबाट सशस्त्र प्रहरी बनाइदिन्छु भन्दैं २ लाख ४१ हजार ठगेको उजुरी प्रहरीमा परेको छ । उनीबाट ठगिने अन्य महिलाहरु पनि आउने क्रम जारी रहेको महाशाखाले जनाएको छ ।
