मिचेटस्थित तमुधिं यूके भवन
लन्डन । तमुधिं यूकेले धादिङमा एक विद्यालय निर्माणका लागि रकम जुटाउन २५ मार्च आइतबार ‘च्यारिटी डिनर नाइट’ गर्ने भएको छ । अल्डरसटस्थित एम्पायर हलमा अपरान्ह ४ देखि च्यारिटी डिनर कार्यक्रम गर्न लागिएको हो ।
तमुधिं यूके अध्यक्ष ज्ञाम गुरुङले धादिङ जिल्लाको दुर्गम क्षेत्र खादिङमा अवस्थित श्री हिमालय सरस्वती प्राइमरी स्कुल पुनर्निर्माणका लागि आर्थिक सहयोग जुटाउन च्यारिटी गर्न लागिएको जानकारी दिए । अध्यक्ष गुरुङले उक्त कार्यक्रममा आएर आफ्नो प्रोजेक्टलाई सघाउन बेलायतस्थित समस्त नेपाली समुदायसमक्ष अपिल गरेका छन् । उक्त विद्यालयका लागि पहार ट्रष्ट नेपालले समेत सघाएको छ । सन् २०१५ को महाभूकम्पले उक्त विद्यालय भत्किएको छ ।
सन् २००० मा स्थापित च्यारिटी संस्था तमुधिं यूकेले नेपालमा प्राकृतिक विपत्ति देखि आपत परेका बेला विश्वको जुनसुकै स्थानमा रहेका नेपालीलाई समेत सहयोग प्रदान गर्दै आएको छ । संस्थाले नेपालको विशेषगरि शिक्षा, स्वास्थ्य, खेल, पर्यटन तथा सामाजिक क्रियाकलापमा सहयोग गरिरहेको छ ।
तमुधिं यूकेले बेलायतमा नेपाली मेला र गोर्खा कप जस्ता वृहत इभेन्ट वर्षेनी गर्दै आएको छ, जसमा हजारौं नेपाली सहभागी हुन्छन् ।
बेलायतमा कमलबहादुर गुरुङ फेरि काउन्सिलरमा निर्वाचित
बेलायत निवासी शान्ति लिम्बुको ‘थेम्सको लहरमा तमोरको स्पर्श’ कवितासंग्रह विमोचन
बेलायतमा स्थानीय निर्वाचन : सत्तारुढ दल लेबरलाई झड्का, नेपालीमुलका उम्मेदवार को को भए निर्वाचित ?
बेलायतमा नेपाली दम्पती नै काउन्सिलर निर्वाचित
पूर्वमन्त्री सुदन किराती हर्क साम्पाङ नेतृत्वको श्रम संस्कृति पार्टीमा प्रवेश
स्याङ्जा समाज यूकेको संरक्षकमा मेजर कुमार गुरुङ र प्रमुख सल्लाहकारमा विजयबहादुर गुरुङ मनोनीत
बेल्जियममा श्रम संस्कृति पार्टीको प्रवास तदर्थ समिति गठन
डायमण्ड बु्द्धिष्ट सेन्टर यूकेद्वारा तमु लामा बौद्ध धर्म समाजलाई १६ लाख १३ हजार हस्तान्तरण
तेह्रथुम समाज यूकेको वार्षिक भेला २०२६ सम्पन्न
पत्रकारितामा एआई प्रयोगलाई रचनात्मक र मर्यादित बनाउनेबारे नेपाल पत्रकार महासंघ युकेको प्रशिक्षण
