मंगलबार, असोज ५ २०७८ | Tue, September 21, 2021
नेपालको समय: ०८:५३ | UK Time: 04:08

भारतले नेपालको आर्थिक उन्नयन र विकासमा सघाउने

रासस
२०७४ माघ २१ गते ९:५०

राष्ट्रपति विद्यादेवी भण्डारीसँग भारतका विदेशमन्त्री सुष्मा स्वराज राष्ट्रपति कार्यालय, शीतल निवासमा शिष्टाचार भेट गर्नुहुँदै । तस्वीर – रोशन सापकोटा, रासस

काठमाडौँ, २१ माघ – भारतले नेपालको द्रुत आर्थिक उन्नयन र समग्र विकासका लागि नेपाल सरकारले निर्धारण गरेका प्राथमिकतानुरुप पारस्परिक लाभका क्षेत्रमा सहकार्य गर्ने बताएको छ ।

भारतका वैदेशिक मामिलामन्त्री सुष्मा स्वराजले प्रजातान्त्रिक रुपमा निर्वाचित नेपालको राजनीतिक नेतृत्व वर्गलाई आफ्नो हालैको नेपाल भ्रमणपछि त्यस्तो सहकार्यको सन्देश दिनुभएको हो । भारतले तीन वटै तहका निर्वाचन सफलतापूर्वक सम्पन्न गरेकामा नेपाल सरकारप्रति बधाई ज्ञापन गर्दै त्यसलाई प्रजातान्त्रिक संक्रमणको उपलब्धि भएको जनाएको छ ।

गत शुक्रबार अबेर राति भारतीय वैदेशिक मामिला मन्त्रालयले मन्त्री स्वराजको नेपाल भ्रमणका सन्दर्भमा सार्वजनिक गरेको विज्ञप्तिमा नेपाल – भारत साझेदारीमा जोड दिइनाका साथै दुई देशको सम्बन्धलाई नयाँ उचाइमा पुरयाइने उल्लेख छ । उहाँ गत बिहीबार दुईदिने भ्रमणमा नेपाल आउनुभएको थियो ।

प्रतिक्रिया

सम्बन्धित सामाग्री

फेसबुक