ब्रिटिस राजदूतद्वारा पुनःनिर्माण प्रगतिबारे चासो

रसुवा, १६ माघ – नेपालका लागि संयुक्त अधिराज्यका राजदूत रिचर्ड मरिसले आज रसुवामा भूकम्पपछिको पुनःनिर्माणको प्रगतिका बारेमा चासो व्यक्त गर्नुभएको छ ।

रसुवाका प्रमुख जिल्ला अधिकारी चोमेन्द्र न्यौपानेसँगको भेटमा उहाँले जिल्लाका वस्तुस्थिति, विकास निर्माण र भूकम्पछिको अवस्थाका बारेमा चासो व्यक्त गर्नुभएको हो ।

पुनःनिर्माणका बारेमा स्थानीय तहका प्रतिनिधि र सरोकारवाला निकायका पदाधिकारीसँग पनि राजदूत मरिसले जानकारी लिनुभएको बेलायती सहयोग नियोग (डिएफआइडी) का रसुवा संयोजक बाबुराम निउवाले जानकारी दिनुभयो ।