शुक्रबार, कार्तिक १४ २०७७ | Fri, October 30, 2020
नेपालको समय: २१:२६ | UK Time: 15:41

नेपालमा पनि मनाइयो क्रिसमस

रासस
२०७४ पुष ११ गते ०:३४

क्रिसमस डेको अवसरमा त्रिपुरेश्वरस्थित वल्ड ट्रेड सेन्टरमा आयोजना गरिएको कार्यक्रममा रमाउँदै युवाहरु । तस्वीर – रोशन सापकोटा, रासस

काठमाडौँ, १० पुस – क्रिश्चियन धर्मका संस्थापक यशु ख्रिस्टको जन्म जयन्तीका अवसरमा आज देशभरका चर्चमा प्रार्थनालगायत कार्यक्रम गरी क्रिसमस दिवस मनाइयो ।

यस अवसरमा उपत्यकाका ठमेल, दरबारमार्ग, बौद्ध, भक्तपुर, ललितपुरलगायत स्थानमा ‘क्रिसमस ट्री’ बनाएर सजाइएको छ । मानिसले एकआपसमा क्रिसमस दिवसको शुभकामना आदान–प्रदान गरेका छन् । यस अवसरमा विभिन्न स्थानमा सांगीतिक कार्यक्रम समेत आयोजना गरिएको छ ।

दिवस मनाइएका स्थलमा यशुको शिक्षा एवं उपदेशको चर्चा साथै प्रेम प्रकट गर्दै उपहार आदानप्रदान गर्ने, शान्ति, सद्भाव, समृद्धि र सु–स्वास्थ्यको कामना गरिएको छ । यशु ख्रिस्टको शुभ जन्म दिनको खुशियालीमा हरेक वर्ष डिसेम्बर २५ का दिन संसारभर विशेष महत्वका साथ यो पर्व मनाइन्छ ।

नेपालमा क्रिस्टियन इतिहास ४०० वर्ष भन्दा पुरानो रहेको विश्वास गरिन्छ । हाल देशभर १२ हजारभन्दा बढी चर्च र ३० लाखभन्दा बढी क्रिस्टियन समुदाय रहेको राष्ट्रिय क्रिस्टियन महासंघले जनाएको छ ।

प्रतिक्रिया

सम्बन्धित सामाग्री

फेसबुक