सोमबार, कार्तिक १० २०७७ | Mon, October 26, 2020
नेपालको समय: १३:०९ | UK Time: 07:24

पुस २७ गते सार्वजनिक बिदा दिने सरकारको निर्णय

रासस
२०७४ मंसिर १४ गते १९:०८

काठमाडौँ, १४ मंसिर – सरकारले राष्ट्र निर्माता पृथ्वीनारायण शाहको जन्म दिन पुस २७ गते सार्वजनिक बिदा दिने निर्णय गरेकोमा राष्ट्रिय प्रजातन्त्र पार्टीले त्यसको स्वागत गरेको छ ।

पार्टीका प्रवक्ता भुवन पाठकले जारी गर्नुभएको विज्ञप्तिमा आज साँझ बसेको मन्त्रिपरिषद् वैठकले गरेको उक्त निर्णयले मुलुकमा सबै जातजातिकाबीच राष्ट्रिय एकता कायम गर्न सहयोग पुग्ने विश्वास व्यक्त गरिएको छ ।

विगतमा उक्त दिनमा बिदाको प्रचलन रहेपनि मुलुकमा सम्पन्न भएको दोस्रो जनआन्दोलनपछिको सरकारले सो बिदा कटौती गरेको थियो ।

सो पार्टीले स्थापनाकालदेखि नै पुस २७ गते सार्वजनिक बिदाको माग गरी एकता दिवस मनाउन सुझाव दिँदै आएको थियो ।

भोलि सार्वजनिक बिदा

यसैबीच, सरकारले इस्लाम धर्मावलम्बीका प्रवर्धक हजरत महम्मदको जन्मदिनको अवसरमा भोलि मंसिर १५ गते शुक्रबार नेपाल राज्यभरका सबै सरकारी कार्यालय एवं विदेशस्थित नेपाली नियोगमा समेत सार्वजनिक बिदा दिने निर्णय गरेको छ ।

गृहमन्त्रालयले आज विज्ञप्ति जारी गरी सो जानकारी दिएको हो ।

प्रतिक्रिया

सम्बन्धित सामाग्री

फेसबुक