ब्रिटिश नेशनल तेक्वान्डो च्याम्पियनसीपमा नेपाली खेलाडी सहभागी


लन्डन । यो सप्ताहन्त म्यानचेस्टरमा हुन गइरहेको ‘ब्रिटिश नेशनल तेक्वान्डो च्याम्पियनसीप ०१७’ मा बेलायतस्थित नेपाली खेलाडी समेत सहभागी भएका छन् । ३७ नेपाली खेलाडी सहभागी ‘नेपाल यूके तेक्वान्डो टिम’ ले सहभागिता जनाएको हो ।

बेलायतका दुई डोजाङ सगरमाथा तेक्वान्डो डोजाङ र जेन मार्सल आर्टस आवद्ध खेलाडीहरुको संयुक्त टिम च्याम्पियनसीपमा सहभागी भएको टिम व्यवस्थापक राष्ट्र राईले जानकारी दिए ।

नेपाली खेलाडी ७ देखि २२ वर्ष उमेर समूहका छन् । उक्त च्याम्पियनसीपमा बेलायतभरबाट करिब एघारसय खेलाडीले प्रतिष्पर्धा गर्दैछन् ।

पिवी, क्याडेट, जुनियर र सिनियर गरि चार क्याटेगोरिजमा प्रतिष्पर्धा हुने जनाउंदै टोली नेता राईले च्याम्पियनसीपमा सहभागिताले नेपाल देशको प्रतिनिधित्वसहित खेलाडीको प्रतिभा उजागर हुने बताए ।

‘यसले भविष्यमा नेपाली खेलाडीलाई ब्रिटेनको राष्ट्रिय खेलमा सहभागी हुन पनि उत्प्रेरित गर्ने मेरो विश्वास छ’, राईले भने ।

राईले यही डिसेम्बरमा नेपालमा हुने अन्तर्राष्ट्रिय स्तरको तेक्वान्डो प्रतियोगितामा समेत बेलायतबाट नेपाली खेलाडी लैजाने योजना सुनाए । अर्को वर्ष युरोप र दक्षिण कोरिया पनि जाने सोच राईको छ ।

प्रतिक्रिया

सम्बन्धित सामाग्री