बिहीबार, असोज १५ २०७७ | Thu, October 01, 2020
नेपालको समय: ०५:५८ | UK Time: 01:13

लन्डन रेलमा ‘विष्फोट’

वीनेपाली
२०७४ भदौ ३० गते १०:०५


लन्डन । लन्डनमा शुक्रबार बिहान ८.२० बजे व्यस्त कार्यालय समयमा एउटा ट्रेनमा विष्फोटन भएको छ । डिष्ट्रिक्ट लाइन ट्रेनमा विष्फोट हुंदा कम्तीमा २२ जना घाइते भएको प्रत्यक्षदर्शीले बताएका छन् । घाइतेको अस्पतालमा उपचार भइरहेको छ । साउथ वेष्ट लन्डनको पार्सन ग्रीनमा विष्फोट भएको बेलायती अखवारहरुले जनाएका छन् ।

विष्फोटबाट यात्रुको अनुहार जलेको र श्वासप्रश्वासमा समस्या आएको जनाइएको छ । घट्नास्थलमा कम्तीमा ५० वटा अग्नी नियन्त्रक गाडी पुगेका छन् । प्रति-आतंकवाद प्रहरीले घट्नालाई ‘आतंकवादी’ का रुपमा अनुसन्धान थालेको छ ।

ट्रेनको एउटा क्यारिजमा सेतो बकेटभित्र सेतो पोको विस्फोट भएको थियो । विष्फोटपछि यात्रुहरु अत्तालिएका थिए र वातावरण त्रसित र चिच्याहटमा परिणत भएको थियो । अहिले डिष्ट्रिक्ट लाइन सर्भिस बन्द भएको छ ।

घट्नास्थल वरपर प्रहरीका हेलिकोप्टर उडेका छन् भने कयौं एम्बुलेन्स पुगेका छन् । सशस्त्र प्रहरीले क्षेत्र घेरा हालेको छ ।

पछिल्लो केही महिना यता बेलायत आतंकवादी आक्रमणको निसानामा छ । यहां वेष्ट मिनिष्टर, म्यानचेस्टर, लन्डनब्रीज जस्ता ठाउंमा पटक पटक आक्रमण भएका छन् ।

प्रतिक्रिया

सम्बन्धित सामाग्री

फेसबुक