आइतबार, असोज ४ २०७७ | Sun, September 20, 2020
नेपालको समय: १४:५८ | UK Time: 10:13

प्रधानमन्त्रीसँग चिनिया विदेश सचिवद्वारा शिष्टाचार भेट

वीनेपाली
२०७४ असार ८ गते ०:०१

प्रधानमन्त्री शेरबहादुर देउवासँग चिनियाँ परराष्ट्र सचिव कुङ सेन युले बुधबार प्रधानमन्त्री कार्यालय सिंहदरबारमा भेटवार्ता गर्दै । तस्बिर ः रोशन सापकोटा, रासस

काठमाडौँ, ७ असार । प्रधानमन्त्री शेरबहादुर देउवासँग नेपाल–चीन परामर्श संयन्त्रको ११ औँ बैठकको सहअध्यक्षता गर्ने सिलसिलामा यहाँ रहनुभएका चीनका परराष्ट्र सचिव कुङ सेन युले आज अपराह्न प्रधानमन्त्री तथा मन्त्रिपरिषद्को कार्यालयमा शिष्टाचार भेट गर्नुभयो ।

त्यस अवसरमा उहाँहरूबीच पारस्परिक चासोका विविध विषयमा विचारविमर्श भएको थियो ।

सचिव कुङले परामर्श संयन्त्रका निष्कर्षबारे प्रधानमन्त्रीलाई जानकारी गराउँदै दुई देशबीचको सहयोगलाई अझ घनिभूत तुल्याउने र द्विपक्षीय सहयोगका नयाँ क्षेत्र पहिल्याउनेबारे अवगत गराउनुभएको परराष्ट्र मन्त्रालयले जनाएको छ ।

त्यसअघि उपप्रधानमन्त्री एवम् परराष्ट्रमन्त्री कृष्णबहादुर महरासँग सचिव कुङले शिष्टाचार भेट गर्नुभएको थियो ।

भेटबारे राससलाई सङ्क्षिप्त जानकारी दिँदै उपप्रधानमन्त्री महराले निकट भविष्यमा चीनका उच्चपदाधिकारीबाट नेपाल भ्रमण हुने बताउनुभयो । उहाँले भन्नुभयो, “चीन–नेपालबीच विगतमा भएका सम्झौता कार्यान्वयन तथा सहयोगलाई निरन्तरता दिन चीन तयार रहेको जानकारी चिनियाँ विदेश सचिवले दिनुभयो ।”

भेटमा द्विपक्षीय सम्बन्ध विस्तारका साथै आपसी सहयोग र सहकार्य प्रवद्र्धन गर्नेसम्बन्धमा आफूहरूबीच छलफल भएको उहाँले बताउनुभयो ।

उपप्रधान एवम् परराष्ट्रमन्त्रीले उक्त भेटमा हालै बेइजिङमा भएको ‘बेल्ट एन्ड रोड इनिसिएटिभ फोरम फर इन्टरनेशनल कोअपरेसन’ मा आफूले भागलिएको स्मरण गर्दै त्यस योजनाअन्तर्गत नेपाल र चीनबीच सीमा पार आर्थिक क्षेत्र स्थापनालाई द्विपक्षीय सम्बन्ध विकासमा महत्वपूर्ण भएको बताउनुभयो ।

प्रतिक्रिया

सम्बन्धित सामाग्री

फेसबुक