बिहीबार, वैशाख २३ २०७८ | Thu, May 06, 2021
नेपालको समय: ०९:४७ | UK Time: 05:02

नुवाकोटको तीन स्थानमा काँग्रेस, एकमा एमाले

वीनेपाली
२०७४ जेठ ४ गते १०:३२

नुवाकोट, ४ जेठ । नुवाकोटको चार स्थानीय तहको अन्तिम परिणाम सार्वजनिक भएको छ । तीन स्थानीय तहमा नेपाली काँग्रेसका उम्मेदवार र एक स्थानीय तहमा नेकपा एमालेका उम्मेदवार विजयी भएका छन् । किस्पाङ गाँउपालिकाको अध्यक्षमा काँग्रेस उम्मेदवार छत्रबहादुर लामा दुई हजार ५६८ मत ल्याएर अध्यक्षमा र मायाँदेवी न्यौपाने दुई हजार ३९४ मत ल्याएर उपाध्यक्षमा निर्वाचित हुनुभएको छ ।

दुप्चेश्वर गाँउपालिकाको अध्यक्षमा योवीन्द्रसिंह लामा र उपाध्यक्षमा अञ्जु आचार्य विजयी हुनुभएको छ । अध्यक्षमा लामाले तीन हजार ५१४ मत र उपाध्यक्षमा आचार्यले तीन हजार ९४३ मत ल्याएर निर्वाचित हुनुभएको हो ।

यस्तै, तादी गाँउपालिकाको अध्यक्षमा काँग्रेसका उम्मेदवार नारायणप्रसाद पाण्डे र उपाध्यक्षमा इश्वरी उप्रेती विजयी हुनुभएको छ । अध्यक्ष पाण्डेले तीन हजार ९० मत र उपाध्यक्ष उप्रेतीले तीन हजार १५६ मत ल्याएर निर्वाचित हुनुभएको छ ।

यस्तै, तार्केश्वर गाउँपालिकाको अध्यक्ष र उपाध्यक्षमा नेकपा एमालेका उम्मेदवार विजयी भएका छन् । अध्यक्षमा रमेश वस्ती तीन हजार ६१६ र उपाध्यक्ष तारा रिमाल तीन हजार ५३५ मत ल्याएर निर्वाचित हुनुभएको हो । नुवाकोटमा रहेका १२ मध्ये बाँकी आठ स्थानीय तहमा मतगणना जारी छ ।

प्रतिक्रिया

सम्बन्धित सामाग्री

फेसबुक