बिहीबार, कार्तिक ६ २०७७ | Thu, October 22, 2020
नेपालको समय: ०३:२० | UK Time: 22:35

पुनःनिर्माण काम प्रभावकारी नभएको सांसदको आरोप

वीनेपाली
२०७३ मंसिर ५ गते ११:२०

Rss_Images_1435847088701_RS-KTM-samsad  baithak

काठमाडौँ, ५ मङ्सिर । व्यवस्थापिका– संसद्को आजको बैठकको शून्य समयमा सांसदले ‘गोरखा भूकम्प’ गएको लामो समय भए पनि वास्तविक भूकम्पपीडितले हालसम्म राहत नपाएको तर नक्कली भूकम्पपीडितले पाएको र कर्मचारी गाउँ नजाँदा पीडितले राहत पाउन मुस्किल भएको गुनासो गर्नुभयो ।

तत्काल पीडित बस्तीमा कर्मचारी पठाएर पुनःलगत सङ्कलन गर्न उहाँहरुले सरकारको ध्यानाकर्षण गराउनुभयो । पहिलो किस्ता बापतको रकम समेत पीडितले नपाएको भन्दै उहाँहरुले पुनःनिर्माणको काम कारबाही प्रभावकारी हुन नसकेको दुखेसो पोख्नुभयो ।

यस्तै भारत सरकारले भारु पाँच सय र एक हजारमा प्रतिबन्ध लगाएपछि त्यसले नेपाली बजारमा समेत प्रभाव पारेकाले तत्काल समस्या समाधान गनुपर्नेमा उहाँहरुले जोड दिनुभयो ।

उहाँहरुले चिनियाँ लगानीमा कोटेश्वर–कलङ्की सडक खण्ड निर्माणमा भइरहेको ढिलाइका कारण स्थानीयवासी प्रभावित भएको र धुलोका कारण सहज रुपमा जीवनयापन गर्न समेत कठिनाइ भएको बताउँदै विभागीय मन्त्रीलाई स्थलगत अवलोकनमा जान आग्रह गर्नुभयो ।

यसरी धारणा राख्नेमा श्यामकुमार श्रेष्ठ (रामेछाप), सुशीला नेपाल, सकलदेव सुतिहार, सीता नेपाली, सुरेन्द्रराज आचार्य, ज्ञानकुमारी छन्त्या ललगायत हुनुहुन्थ्यो ।

प्रतिक्रिया

सम्बन्धित सामाग्री

फेसबुक