व्यवस्थापिका– संसद्
काठमाडौँ, ७ कातिक । अख्तियार दुरुपयोग अनुसन्धान आयोगका प्रमुख आयुक्त लोकमानसिंह कार्कीविरुद्धको महाभियोग प्रस्तावले आज सदनमा प्रवेश पाएको छ ।
नेकपा (माओवादी)का महेन्द्रबहादुर शाहीसहित १५७सांसदले प्रमुख दर्ता गराएको महाभियोगको प्रस्तावमाथि सदनमा यही कात्तिक ९ गते छलफल हुने छ । व्यवस्थापिका– संसद्को आजको बैठकमा सभामुख ओनसरी घर्तीले कार्कीविरुद्धको महाभियोगसम्बन्धी प्रस्तावमाथिको छलफलका लागि यही कात्तिक ९ गते अपराह्न ३ बजे तोकिएको जानकारी दिनुभयो ।
नेपालको संविधानको धारा १०१ को उपधारा २ एवम् व्यवस्थापिका– संसद् नियमावली, २०७३ को १३८ को उपनियम नियम १ बमोजिम उक्त प्रस्ताव दर्ता गरिएको हो । प्रमुख कार्कीलाई पदीय आचरण विपरीत कार्य गरेको अभियोग लगाइएको छ ।
