
प्रधानमन्त्रीले गोवा सम्मेलनबारे दलमा जानकारी दिए
काठमाडौँ, ३ कात्तिक । प्रधानमन्त्री पुष्पकमल दाहालले भारतको गोवामा सम्पन्न ब्रिक्स–बिम्स्टेक विस्तारित बैठकबारे आज विहान आफ्नो दल नेकपा (माओवादी केन्द्र) संसदीय दलमा जानकारी गराउनुभएको छ ।
गत असोज २९ देखि यही कात्तिक १ गतेसम्म भएको सम्मेलनमा नेपालले खेलेको भूमिका, छिमेकी मुलुक चीन र भारतका सरकार प्रमुखसँगको भेटबारे जानकारी गराउनुभएको हो ।
सो दलका नेता टोपबहादुर रायमाझीले प्रधानमन्त्री तथा पार्टी अध्यक्ष दाहालले गोवा सम्मेलन र त्यसबारे उठेका विभिन्न टिप्पणीबारे स्पष्ट पार्नुभएको पत्रकारलाई जानकारी दिनुभयो । प्रधानमन्त्री दाहाल र चीन तथा भारतका सरकार प्रमुखको संयोगवश भएको अनौपचारिक भेटलाई त्रिपक्षीय वार्ता सन्देश प्रवाह भएपछि विभिन्न टिप्पणी उठेको थियो ।
यसै सन्दर्भमा प्रधानमन्त्री दाहालले आज व्यवस्थापिका–संसद्मा सम्बोधन गर्नुहुनेछ ।
यस्तै, बैठकमा सो दलबाट सरकारमा सहभागी मन्त्रीहरुका कामबारे पनि समीक्षा भएको थियो ।
प्रतिक्रिया

सम्बन्धित सामाग्री
- बेलायतमा कसरी बन्यो कोभिड–१९ बारे जानकारी दिने नेपाली भाषामा पर्चा ?
- सोमबारदेखि बेलायत छोड्न फाराम भर्नुपर्ने, २०० पाउण्ड जरिवाना हुनसक्ने
- आजदेखि बेलायत आइपुग्ने यात्रुले १० दिन होटल क्वारेन्टिनमा बस्न पर्ने
- कारोना संक्रमणका कारण प्रवासमा मृत्यु भएकाको शव नेपाल लैजाने पाइने
- गोरखा भूपू सैनिकको समस्याबारे प्राविधिक समितिको प्रतिवेदनमाथि बेलायतले नेपालसित वार्ता नगर्ने