बुधबार, कार्तिक १२ २०७७ | Wed, October 28, 2020
नेपालको समय: १९:२१ | UK Time: 13:36

नेपाली र अमेरिकी सेनाबीच संयुक्त अभ्यास

वीनेपाली
२०७३ असोज ३० गते १४:२७

 indian-and-nepalese-armies-as-part-of-exercise-suryakiran-5

काठमाडौँ, ३० असोज । नेपाली सेनाको तालिम शिविर नगरकोटमा महावीर गण (रेञ्जर) र मित्रराष्ट्र अमेरिकी सेनाको बि कम्पनी, फस्ट बटालियन स्पेसल फोर्स ग्रुप (एअरबोन)बीच अभ्यास व्यालेन्स नेल १७–३०४५ सञ्चालन भएको छ ।

सैनिक जनसम्पर्क निर्देशनालयलका अनुसार उक्त अभ्यास, विभिन्न सैनिक युद्धकलालगायत अन्तर्राष्ट्रिय मानवीय कानुन, मानव अधिकार जस्ता विषयहरुमा आधारित रही छाउनीस्थित महावीर गण र तालिम शिविर नगरकोटमा आगामी मङ्सिर ३ गतेसम्म सञ्चालन हुने सैनिक जनसम्पर्क निर्देशनालयले जनाएको छ ।

सो संयुक्त अभ्यासको लागि अमेरिकी सेनाको टोली गत बिहिबार आवश्यक तालिम सामग्रीसहित नेपाल आइपुगेको थियो । यस प्रकारको संयुक्त अभ्यास नेपाली सेना र अमेरिकी सेनाबीच विगतदेखि नै सञ्चालन हुँदै आएको छ । उक्त तालिम र अभ्यासबाट नेपाली सेना र अमेरिकी सेनाको सैद्धान्तिक, व्यवहारिक र विशेष अनुभवको आदानप्रदान गर्न सहयोग पुग्नुको साथै नेपाली सेनाको अन्य सैनिक सङ्गठनसँग सहकार्य तथा सैनिक कारबाही सञ्चालन गर्न सक्ने क्षमता अभिवृद्धिका लागि सहयोग पुग्ने निर्देशनालयले जनाएको छ ।

प्रतिक्रिया

सम्बन्धित सामाग्री

फेसबुक