बिहीबार, कार्तिक ६ २०७७ | Thu, October 22, 2020
नेपालको समय: ०३:०७ | UK Time: 22:22

यूके प्रिमियरका लागि लन्डन आइपुगे ‘वीर विक्रम’ का कलाकार

वीनेपाली
२०७२ चैत १८ गते २०:५८

12899573_10209410226319390_331111740_o

लन्डन । बहुप्रतिक्षित नेपाली फिल्म ‘वीर विक्रम’ को यूके प्रिमियरका लागि कलाकारहरु लन्डन आइपुगेका छन् । वीर विक्रमको हङकङ रेड कार्पेट 
प्रिमियरपछि अब नायिका बस्ने देश यूकेमा प्रिमियर गर्न निर्देशक मिलन चाम्ससहित नायक दयाहाङ राई र सञ्चारकर्मी नरेश भट्टराईको समूह लन्डन आइपुगेको हो ।

उक्त सिनेमाको रेड कार्पेट आगामी अप्रिल २ तारिख शनिबार दिउसो २ः १५ बजे देखि अल्डरसटस्थित प्रिन्सेस हलमा हुने कार्यक्रम छ ।
प्रिमियरका अवसरमा कलाकारहरुलाई लिमोजिन कारबाट रेड कार्पेट हुंदै प्रिन्सेस हलसम्म ल्याइने निर्माण पक्षले जनाएको छ ।

रेड कार्पेट प्रिमियरमा नव नायिका दिया पुन सहित नायक दयाहाङ राईको उपस्थिति हुने भएकाले प्रिमियरमा बेग्लै रौनकता थपिने आशा छ ।
अहिले नेपालका नम्बर वान नायक दयाहाङ राईको पहिलो यूके रेड कार्पेट 
प्रिमियर भएकाले पनि दयाहाङको उपस्थितिलाई विशेष रुपमा हेरिएको छ ।

‘वीर विक्रमको मुख्य बजार नेपाल भए पनि यूकेमा प्रिमियर गर्नुको उद्देश्य चाहिं यस फिल्मका निर्देशक, नायिका सहित निर्माण युनिट अधिकांश यूकेकै भएकाले हो’, निर्देशक मिलन चाम्स् भन्छन् । उनले यूकेमा रहेका सम्पूर्ण गोर्खाली सहित नेपाली सिनेप्रेमीहरुलाई त्यस दिन सहभागिताका लागि आग्रह गरेका छन् ।

‘वीर विक्रम’ को यूके प्रिमियरका निम्ति मिडिया पार्टनर अजम्बरी डटकमका तर्फबाट भूमिराज राई सञ्चार संयोजक छन् ।

प्रतिक्रिया

सम्बन्धित सामाग्री

फेसबुक