लन्डन । भूपू गोर्खाहरुको आन्दोलनमा सहभागी हुने क्रममा हराइरहेका एक वृद्ध आइतबार भेटिएका छन् । लन्डन आसपासमै उनी सकुशल भेटिएको प्रदर्शन आयोजना गरेको गोर्खा सत्याग्रह संयुक्त संघर्ष समितिका सूर्य नेम्वांगले जानकारी दिए ।
बेलायती प्रधानमन्त्री कार्यालय अगाडि आयोजित विशाल प्रदर्शनका क्रममा सोलुखुम्बु निवासी ७३ वर्षीय दुर्गा प्रसाद राई गत शुक्रवारदेखि हराएका थिए । अल्डरसटबाट समूहमा लन्डन आएका उनी फर्कने बेला नभेटिएपछि गोर्खा सत्याग्रह संयुक्त संघर्ष समिति र परिवारले खोजी गरिदिन प्रहरीमा उजुरी गरेको थियो ।

उक्त प्रदर्शनमा बेलायतीसहित हजारौं भूपू गोर्खा सहभागी भएका थिए ।

भूपू गोर्खाहरु अप्रिल २४ सम्म आफ्ना माग सम्वोधन नगरिए रिले अनसन बस्ने योजनामा छन् ।