लन्डन । नेपाल विद्यार्थी संघ, बेलायतका कार्यवहाक अध्यक्ष कुश बस्नेत वी पी चिन्तन प्रतिष्ठान बेलायतको संयोजक मनोनित भएका छन् ।
अध्यक्ष हरिबोल भट्टराई र महासचिव देवेन्द्र प्रकाश पौडेलले हस्ताक्षर गरेको पत्रमा बस्नेतलाई बेलायत संयोजक तोक्दै उनीबाट प्रतिष्ठानले आफ्नो उद्देश्य प्राप्तिको दिशामा ठूलो फड्को मार्ने अपेक्षा गरेको उल्लेख छ ।
उक्त प्रतिष्ठान नेपालको प्रजातान्त्रिक आन्दोलनका युगद्रष्टा, राजनेता, प्रजातन् त्र र समाजवादका प्रवर्तक जननायक वीपी कोइरालाको विचार जनस्तरसम्म पुर्याई नेपाललाई एउटा सवल, स्वच्छ र समृद्ध समाजको रुपमा रुपान्तरण गर्ने उद्देश्यद्वारा प्रेरित भएको चैत १० मा प्रेषित पत्रमा उल्लेख छ ।
