अध्यक्ष भरत रोका
लन्डन । गोरखाली समाज यूकेको वार्षिक साधारण सभा यही ९ अप्रिल २०१६ का दिन हुने भएको छ । नयां कार्यसमिति चयन गरिने उक्त साधारणसभाबाट वर्तमान अध्यक्ष भरत रोकाले जिम्मेवारी छाड्ने बताएका छन् ।
समाजले फार्नबोरोमा हुने उक्त सभामा उपस्थित भइदिन गोरखा जिल्ला घरभई बेलायत बसोबास गर्ने सबै गोर्खालीलाई आग्रह गरेको छ ।
बिहान ११.३० देखि बेलुका ६ बजे सम्म
हुने सभामा नयां कार्यसमितिका सदस्यहरु, विघटित कार्यसमितिका सदस्यहरु र सल्लाहकारहरुलाई प्रमाणपत्रसहित खादाले सम्मान गर्ने कार्यक्रम छ ।
उक्त अवसरमा समाजले भूकम्प पीडित वालवालिकाका लागि १५ लाख रुपैयांको अक्षय कोष जिल्ला प्रशासन कार्यालय, गोरखामा दर्ता भइसकेकोबारे जानकारी गराइने अध्यक्ष भरत रोकाले जानकारी दिए ।
समाजका पदाधिकारीबाट आ आफ्नो प्रतिवेदन प्रस्तुत गर्ने बाहेक कार्यक्रमको अन्त्यमा नेपाली नयां वर्ष २०७३ रमझम समेत हुने जनाइएको छ ।
