आइतबार, कार्तिक ९ २०७७ | Sun, October 25, 2020
नेपालको समय: ००:१९ | UK Time: 19:34

बेलायतले भूकम्प पीडितलाई थप सहयोग गर्ने

वीनेपाली
२०७२ चैत १० गते १४:२२

16707287924_1f8d58255e_h

लन्डन । बेलायत सरकारले भूकम्पबाट प्रभावित जिल्लामा शुद्ध पिउने पानी उपलव्ध गराउन थप ४.५ मिलियन पाउण्ड उपलव्ध गराउने घोषणा गरेको छ । विश्व पानी दिवसमा अवसरमा गोर्खा वेलफेयर ट्रष्टको ग्रामीण क्षेत्रमा पानी तथा सरसफाइ कार्यक्रमलाई उक्त रकम प्रदान गरिने डिएफआइडी (डिपार्टमेन्ट फर इन्टरनेशनल डेभलप्मेन्ट) ले बुधवार जनाएको हो ।
ब्रिटिश गोर्खाहरुबाट सम्पन्न गरिने उक्त योजनाबाट भूकम्प प्रभावित ग्रामीण भेगका २२ हजार ५ सय गरिब पूर्व गोर्खा समुदाय लाभान्वित हुने अपेक्षा छ ।
उक्त रकमले एकसय २० वटा नयां पानी आपूर्ति प्रणाली निर्माण गरि २८५० घरधुरीमा पानी वितरण र ३५ विद्यालयमा शौचालय निर्माण गरिने जनाइएको छ ।
बेलायतले हालसम्म ४२ जिल्लामा ४६ हजार २९५ घरधुरीका तीन लाख ६ हजार ४९५ जनतालाई पिउनेपानी र सरसफाइका सामाग्री उपलव्ध गराइसकेको पनि जनाएको छ ।

यो रकमसंगै बेलायलते सन् २०१२ देखि २०२० सम्म नेपाललाई दिने सहयोग राशी १८ दशमलव ७ मिलियन पाउण्ड हुनेछ ।

डिएफआइडीले गत वर्षको विनाशकारी भूकम्पपछि खानेपानी आपूर्ति अझै सुचारु हुन नसकेको जनाउंदै ५५ लाख नेपाली शुद्ध खानेपानीबाट वञ्चित भएको जनाएको छ । उसले विज्ञप्तिमा एक करोड ६० लाख मानिस सरसफाइ सुविधाबाट वञ्चित भएको पनि
उल्लेख गरेको छ ।

अन्तर्राष्ट्रिय विकास मन्त्री डेसमण्ड स्वानले भूकम्पपछि बेलायतले नेपाली जनतालाई तत्काल राहत सामाग्री उपलव्ध गराएको स्मरण गर्दै बेलायत नेपालको पुनर्निर्माणमा कांधमा कांध मिलाएर अघि बढ्ने प्रतिवद्धता व्यक्त गरेका छन् । उनले बेलायत नेपाल सम्वन्ध अरु मजवुत हुने आशा पनि व्यक्त गरे । इकान्तिपुर

प्रतिक्रिया

सम्बन्धित सामाग्री

फेसबुक