आइतबार, कार्तिक ९ २०७७ | Sun, October 25, 2020
नेपालको समय: १७:१९ | UK Time: 11:34

ब्रसेल्स आतंकवादको निसानामा, कम्तीमा ३१ को मृत्यु (अपडेट)

वीनेपाली
२०७२ चैत ९ गते १२:१८

3272C97700000578-3503928-image-m-77_1458637862743

ब्रसेल्स, ९ चैत । बेल्जियमको राजधानी ब्रसेल्स आतंककारीको निसानामा परेको छ । मंगलबार बिहानै कम्तीमा तीनवटा शक्तिशाली विष्फोट भएका छन् । ब्रसेल्सस्थित जाभेनटम विमानस्थलभित्र अमेरिकन एयरलाइन्सको चेक इन डेस्कमा मङ्गलबार बिहान करिब ८ बजे दुई शक्तिशाली विस्फोट हुंदा कम्तीमा ११ जनाको मृत्यु भएको र उक्त आत्मघाती आक्रमणमा ८१ जना घाइते भएको समाचार छ ।

त्यस लगत्तै इयू मुख्यालय नजिक मेलबीक मेट्रो रेल स्टेशनमा भएको विस्फोटमा २० जना मारिएका छन् ।

विमानस्थलको टर्मिनल भवनबाट धुंवा उडिरहेको र त्यस घर वरिपरिको वातावरण अत्यन्तै तनावपूर्ण रहेको दृश्य ब्रसेल्सका टेलिभिजनहरुले देखाएका छन् ।
विमानस्थलमा संटकालीन अवस्थाको घोषणा गरी व्यापक मात्रामा प्रहरी परिचालन गरिएको बताइएको छ । अर्को सूचना जारी नभएसम्मका लागि विमानस्थल बन्द गरिएको छ । पेरिस आक्रमणका मुख्य योजनाकार सलाह अब्डेस्लाम ब्रसेल्स्मा समातिएको चार दिनपछि घट्ना भएको हो ।

प्रहरी व्यापाक मात्रामा परिचालन गरिएको छ । सञ्चार माध्यमले शंकास्पद दुई जनालाई गिरफ्तार गरिएको जनाएका छन् ।

बेल्जियन प्रधानमन्त्री चार्ल्स मिसेलले आजको दिनलाई बेल्जियमको इतिहासमा कालो दिन भनेका छन् । उनले सबैलाई शान्त र संयमता अपनाउन पनि आग्रह गरेका छन् ।

घट्ना लगत्तै युरोपभर सुरक्षा सतर्कता बढाइएको छ ।

बेलायती प्रधानमन्त्री डेभिड क्यामरुनले घट्नाको निन्दा गर्दै बेल्जियम र जनताप्रति सहानुभूति प्रकट गरेका छन् । उनले युरोपको जहां घट्ना भएपनि एकसाथ रहनुपर्नेमा जोड समेत दिएका छन् ।

प्रतिक्रिया

सम्बन्धित सामाग्री

फेसबुक