बुधबार, कार्तिक ५ २०७७ | Wed, October 21, 2020
नेपालको समय: १३:३१ | UK Time: 08:46

भूकम्पले भत्केको स्कुल बनाउन बेलायतबाट एक करोड २५ लाख

वीनेपाली
२०७२ फागुन ३० गते १२:२६

school
लन्डन । गत वर्षको विनाशकारी भूकम्पले भत्केको स्कुल बनाउन बेलायतबाट एक करोड २५ लाख रुपैयां जोहो गरि पुनर्निर्माण शुरु भएको छ ।
भूकम्पले क्षतिग्रस्त गोरखा जौबारी ७ मा अवस्थित श्री परोपकारी आदर्श उच्च माध्यमिक विद्यालयको पुनर्निर्माणका लागि बेलायतबाट नेपालीसहितका समाजसेवीले उक्त काम थालनी गरेका हुन् । ३५ कक्षा कोठा रहेको उक्त विद्यालयका ३१ कोठा काम नलाग्ने गरि भत्किएका छन् भने बांकी ४ वटामा पनि रातो स्टिकर छ ।
ओसन सर्भिस् स्टाफ सोलुसन कम्पनीका रवि थपलिया, प्रवीण भट्ट, भरत पटेल, सारा मिसेल, सुशिला मंगाभाइ, डेबी स्टर्न र इप्सस फाउण्डेशनको सहयोगमा विद्यालय बनाउने काम शुरु भइसकेको छ । यस प्रोजेक्टमा अमेरिकास्थित नेपालीको पनि साथ छ । गोर्खा वेलफेयर ट्रष्टमार्फत पुनर्निर्माण काम थालिएको थपलियाले जनाए ।
दशवटा कोठाको एउटा भवन, प्ले ग्राउण्ड, स्टाफ रुम र दुई शैचालय बनाउने योजना छ । यस अतिरिक्त नेपाली रेसिपीको किताब ‘कुक बुक’ बेचेर ३० हजार पाउण्ड संकलन गरि कम्प्युटर र अरु भौतिक संरचनामा सहयोग गर्ने योजना समेत उक्त समूहको छ ।
अहिले विद्यालय बनाउन तम्सिएको समूहले भूकम्प लगत्तै खाना बनाएर विक्री गरि करिब दुई हजार पाउण्ड संकलन गरेको थियो ।
थपलियाले आफैंले पढेको स्कुल क्षतविक्षत भएको भिडियो देखेपछि पुनर्निर्माणको सोच बनेको प्रष्ट्याए ।

करिब ५४० विद्यार्थी अध्ययनरत उक्त विद्यालयमा २३ शिक्षक शिक्षिका छन् ।

प्रतिक्रिया

सम्बन्धित सामाग्री

फेसबुक