मंगलबार, कार्तिक ४ २०७७ | Tue, October 20, 2020
नेपालको समय: २३:२१ | UK Time: 18:36

बेलायतद्वारा भूकम्प प्रभावित क्षेत्रको भ्रमण प्रतिवन्ध फुकुवा

वीनेपाली
२०७२ फागुन २८ गते १२:५८

विदेश मन्त्रालय

लन्डन । बेलायत सरकारले भूकम्पपछि अति प्रभावित स्थानमा भ्रमण नगर्न आफ्ना नागरिकहरुमाथि लगाएको प्रतिवन्ध हटाएको छ ।

राजकुमार ह्यारीको नेपाल भ्रमण मिति तय भएसंगै यस्तो प्रतिवन्धमा खुकुलो गरिएको हो । ह्यारीले आगामी चैत ६ देखि १० सम्म पहिलोपटक नेपालको औपचारिक भ्रमण गर्ने कार्यक्रम छ । उनले नेपाल भ्रमणका क्रममा पाटन र भक्तपुरका ऐतिहासिक दरवार क्षेत्र, बर्दिया राष्ट्रिय निकुन्ज, हिमालय दृश्यावलोकन, जल तथा पदयात्रा आदि गर्ने जानकारी दरबारले दिइसकेको छ ।

बेलायतको विदेश मन्त्रालय (एफसीओ) ले आफ्नो ‘ट्राभल एड्भाइस’ मा गत वर्ष भूकम्पले क्षतिग्रस्त क्षेत्र, मनास्लु र लाङटाङ राष्ट्रिय निकुन्ज, केही ट्रेकिङ रुट क्षेत्रमा भ्रमण नगर्न यसअघि जारी गरेको सूचना परिवर्तन गरेको छ ।

कार्यवहाक राजदूत तेजबहादुर क्षेत्रीले यस्तो फुकुवाले नेपालको पर्यटनमा सकारात्मक सन्देश जाने आशा व्यक्त गरे । ‘हरेक बेलायती नागरिकले भ्रमणपूर्व मन्त्रालयको ‘ट्राभल एड्भाइस’ हेर्ने हुंदा यसले अब नेपाल सुरक्षित भएको सन्देश दिनेछ’, क्षेत्रीले भने ।
उसको सूचनामा सन् २०१३ मा करिब ४० हजार बेलायती नागरिकले नेपाल भ्रमण गरेको र तिनमा कुनै अवरोध नभएको पनि उल्लेख छ ।

प्रतिक्रिया

सम्बन्धित सामाग्री

फेसबुक