लन्डन । बेलायतमा रहेका नायक ध्रुव दत्तले अभिनय गरेको फिल्मको गीत सार्वजनिक गरिएको छ । चैत्र १२ लाई प्रदर्शन मिति तोकिएको फिल्म आवेगको नयां गीत रिलिज भएको हो । प्रचारलाई गति दिन निर्माण टिमले आइतबार नयां गीत सार्वजनिक गरेको दत्तले जनाएका छन् ।
सार्वजनिक भएको चाहे झुटो कसम… बोलको गीतमा नायक ध्रुव दत्त र अभिनेत्री पवित्रा आचार्य फिचरिङमा छन् । बसन्त निरौला निर्देशित फिल्मको सार्वजनिक गीतमा संगीत धिरज श्रेष्ठको छ भने कोरियोग्राफी कविराज गहतराजको छ । फिल्ममा लगानी भने झमक नारायण घिमिरे, धनसिंह केसी र राजेश्वर श्रेष्ठको छ ।
अष्ट महर्जनको द्वन्द्व समावेश फिल्म किरण माईकलको कथामा तयार भएको हो । फिल्मलाई पुरुषोत्तम प्रधानले खिचेका छन् । फिल्ममा पवित्रा र ध्रुबसंगै आर्यन सिग्देल, रमेश बुढाथोकी लगायत लिड रोलमा छन् ।
दत्तले अभिनय गरेको तीन घुम्ती बेलायतका विभिन्न शहरमा प्रदर्शन भइरहेको छ ।
हेर्नुहोस् भिडियो
