दिनेश घिमिरे
लन्डन । बेलायतमा सयौं नेपाली संस्थाको भीडमा अर्को नयां संस्था गठनको तयारी अन्तिममा छ । इन्टरनेशनल सोलिडारिटी फर नेपाल नाम दिइएको उक्त संस्थाको औपचारिक उद्घाटन यही आइतबार चाल्टर्न एसेम्ली रुम, चाल्टर्न भिलेजमा हुन लागेको कार्यक्रम संयोजन गरिरहेका दिनेश घिमिरेले जनाए । उनी प्रवासी नेपाली मञ्च, बेलायतका पूर्व अध्यक्ष हुन् ।
उनका अनुसार संस्थाको संयोजकमा मानवअधिकारकर्मी कृष्ण उपाध्याय रहने छन् । ‘बेलायती समाजका प्राज्ञिक, अगुवा एवं सामाजिक अभियन्ता संस्थामा अट्नेछन्’, घिमिरेले संक्षिप्त जानकारी दिंदै भने, ‘नेपालका सीमान्तकृतहरुको आवाज विश्वभर रहेको नेपाली डायस्पोरा समक्ष पुर्याउन यसलाई अभियानकै रुपमा लैजाने सोच छ ।’
बेलायतमा नयां संस्था गठन नौलो होइन । कसैलाई पद चाहिए संस्था खुलिहाल्छ र खोल्न अन्य काम जस्तो असहज पनि छैन् । तर, जन्मन लागेको इन्टरनेशनल सोलिडारिटी फर नेपाल नामक चाहिं कसरी मिसनमा सफल हुन्छ, भविष्यले नै देखाउला ।
