शुक्रबार, असोज २ २०७७ | Fri, September 18, 2020
नेपालको समय: १३:०० | UK Time: 08:15

स्वामी अरुणले लण्डनमा ध्यान शिविर गर्ने

वीनेपाली
२०७२ फागुन ११ गते १२:१०

sw_arun_pic

काठमाण्डू नागार्जुनहिल्सस्थित ओशो तपोवनका संस्थापक स्वामी आनन्द अरुणले आउँदो जुन-जुलाईमा लण्डनमा ध्यान शिविर सन्चालन गर्नुहुने भएको छ।

आफ्ना निकट सहयोगी स्वामी आनन्द अर्हतका साथ उहाँले ३० जुनदेखि ३ जुलाई सम्म डर्सेटस्थित ओशो लीलामा तीन दिवसीय ध्यान शिविर सन्चालन गर्नुहुनेछ।

शिविरमा सहभागी हुन इच्छुक मित्रहरुले http://osholeela.uk/?espresso_events=sw-aruns-meditation-camp मा गएर  आफ्नो स्थान सुरक्षित गर्नसक्ने आयोजक ओशो क्याम्प युकेले जनाएको छ।

संसारका बीसभन्दा बढी मुलुकहरुमा ध्यान शिविरहरु सन्चालन गरीसक्नुभएका स्वामी अरुणले स्वस्थ र सन्तुलित जीवनकालागि ध्यान अपरिहार्य रहेको बताउँदै आउनुभएको छ।

“आजको व्यस्त समाजमा संयमित जीवन शैली र ध्यानको महत्व जति वर्णन गरेपनि कम हुन्छ। त्यसैले श्रद्धेय स्वामी अरुणसंग आवासीय ध्यान शिविरमा सपरिवार सहभागी हुन हामी सबैलाई आग्रह गर्दछौं,” ओशो क्याम्प युकेका स्वामी ध्यान शंकरले भन्नुभयो।

स्वामी अरुणले गत दश वर्षदेखि बेलायतमा हरेक वर्ष ध्यान शिविरहरु सन्चालन गर्दै आउनुभएको छ।

“राजनीति होस् वा सार्वजनिक जीवनमा, आफ्नो परिवारमा होस् वा व्यवसायमा सुख, शान्ति र सम्यक जीवनकालागि ध्यान बाहेक अर्को विकल्प छैन। आफ्नो व्यस्त जीवनबाट केही समय निकालेर ध्यानको माध्यमबाट जीवनलाई अरु बढी आनन्दित बनाउन म सबै मित्रहरुलाई आग्रह गर्दछु,” स्वामी अरुणले भन्नुभयो।

प्रतिक्रिया

सम्बन्धित सामाग्री

फेसबुक