शुक्रबार, असोज २ २०७७ | Fri, September 18, 2020
नेपालको समय: २३:१२ | UK Time: 18:27

सरकारको काम प्रभावकारी नभएको माओवादी ठहर

वीनेपाली
२०७२ फागुन ९ गते २३:०८
Prachanda

एमाओवादी अध्यक्ष पुष्पकमल दाहाल

काठमाडौँ, ९ फागुन । सरकारको काम कारबाहीलाई प्रभावकारी बनाउनुपर्नेमा एकीकृत नेकपा(माओवादी)का नेताहरूले जोड दिएका छन् ।

एमाओवादी अध्यक्ष पुष्पकमल दाहालको निवास लाजिम्पाटमा आज बसेको स्थायी समितिको बैठकमा धारणा राख्ने क्रममा सो पार्टीका नेताहरूले जनअपेक्षाअनुसार सरकारको कामकारबाही अगाडि बढ्न नसकेकामा आपत्ति जनाएका हुन् ।

संविधानसभाबाट संविधान घोषणा भएपछि गठन भएको वर्तमान सरकारले ऐतिहासिक र महत्वपूर्ण काम गर्नुपर्नेमा त्यसो हुन नसकेको र परम्परागत तवरले मात्रै सरकार चलेको भन्दै तत्काल कार्यशैली सुधार गर्नुपर्नेमा जोड दिइएको थियो ।

यस्तै मुलुकका विभिन्न जिल्लाका नेता तथा कार्यकर्ता नयाँ शक्तिमा जाने क्रम बढेको भन्दै त्यसलाई कसरी रोक्ने भन्नेमा समेत छलफल भएको थियो । त्यस्तै पार्टीको सङ्गठन सुदृढीकरण, जनवर्गीय सङ्गठनको परिचालन एवम् सङ्गठन सुदृढीकरणका विषयमा समेत छलफल भएको सो पार्टीले जनाएको छ ।
बैठकपछि सञ्चारकर्मीसँग कुरा गर्दै महासचिव कृष्णबहादुर महराले बैठकमा स्थायी समितिका सदस्यले आ–आफ्नो धारणा राखेको बताए ।

उनले बैठकमा सरकारको कामकारबाही, मुलुकको पछिल्लो राजनीतिक अवस्थाका विषयमा छलफल भए पनि आज कुनै निर्णय नभएको जानकारी दिए । बैठक सोमबार बिहान ८ बजे पुनः बस्नेछ ।

प्रतिक्रिया

सम्बन्धित सामाग्री

फेसबुक