बुधबार, असोज ७ २०७७ | Wed, September 23, 2020
नेपालको समय: ०८:५५ | UK Time: 04:10

नयाँ शिक्षा नीतिका लागि दुई हप्ताभित्र आयोग गठन गरिने

वीनेपाली
२०७२ फागुन ४ गते १३:३०

stack_of_books

काठमाडौँ, ४ फागुन । नयाँ शिक्षा नीति निर्माणका लागि दुई हप्ताभित्र उच्चस्तरीय आयोग गठन गरिने भएको छ ।

डिल्लीबजारस्थित विजय स्मारक उमाविको हीरक महोत्सवका अवसरमा आज यहाँ आयोजित कार्यक्रममा शिक्षामन्त्री गिरिराजमणि पोखरेलले शिक्षा क्षेत्रको सुधार र विकासका लागि नयाँ शिक्षा नीति आवश्यक रहेको र त्यसका लागि छलफल भइरहेको बताए । यसै वर्षदेखि प्रवेशिका परीक्षाको लब्धाङ्कपत्रमा सुरु गर्न लागिएकोे अक्षराङ्क प्रणालीमा ‘डी’ र ‘इ’ श्रेणीमा आउने विद्यार्थीलाई प्राविधिक शिक्षामा लगाउन तयारी भइरहेको जानकारी उनले दिए ।

मन्त्री पोखरेलका अनुसार भूकम्पका कारण करिब आठ हजार विद्यालयको भौतिक संरचना तथा एक लाखभन्दा बढी विद्यार्थी प्रभावित भएकाले तीन वर्षभित्र नै विद्यालयको भौतिक संरचना निर्माण गरिने छ ।

उक्त विद्यालयका व्यवस्थापन समितिसँग सम्बन्धित प्रा डा सुरेशराज शर्मा, नीर शाह, विजयकुमार पाण्डेलगायतले विद्यालयबाट आफूले अँगालेको अनुभव र शैक्षिक गुणस्तरका लागि विद्यालयले पु¥याएको योगदानबारे बोले । सोही अवसरमा ‘विजयश्री’ स्मारिकाको विमोचन समेत गरियो । तत्कालीन प्रधानमन्त्री मोहनशम्शेरले आफ्ना छोरा विजयको सम्झनामा उक्त विद्यालयको स्थापना गरेका थिए ।

प्रतिक्रिया

सम्बन्धित सामाग्री

फेसबुक