शुक्रबार, असोज १६ २०७७ | Fri, October 02, 2020
नेपालको समय: ०१:२८ | UK Time: 20:43

होटलमा बस्न नमान्दा नेहाको हत्या, अभियुक्त सार्वजनिक

वीनेपाली
२०७२ माघ २५ गते १३:५६
08022016025451Pokhara-1000x0

तस्विरः इकान्तिपुर

पोखरा, २५ माघ । यही माघ १८ गते राति आफ्नै घर पछाडि हत्या गरी फालिएकी योरुना पुनका हत्यारालाई पक्राउ गरी कास्की प्रहरीले आज सार्वजनिक गरेको छ ।

जिल्ला प्रहरी कार्यालय कास्कीले आज यहाँ पत्रकार सम्मेलन गरी पुनको हत्यामा संलग्न भनिएका पोखरा–९ नयाँ बजारका २१ वर्षीय कीर्तन खड्गीलाई सार्वजनिक गरेको हो ।

घटनानुसार सो दिन बेलुका न्युरोडको एक रेस्टुरेन्टमा सँगै बसी मादक पदार्थ सेवन गरेका थिए । राति ९ बजेतिर अभियुक्त खड्गीले पुनलाई घर पुरयाउन आफ्नो मोटरसाइकलमा राखी नयाँगाउँतर्फ गएको र घर नजिकै पुगेपछि खड्गीले उनलाई “आज तिमी घर नजाऊ, लेकसाइडतिर घुमौंँ र त्यतै होटलमा बसौँ” भन्ने प्रस्ताव राखेकामा पुनले सिधै अस्वीकार गरेपछि उठी हेल्मेटले हानेर हत्या गरेको अभियुक्तले दिएको वयानमा उल्लेख छ ।

हेल्मेटको प्रहारपछि पुन ढलेको र निजको नाक र कानबाट रगत बगेको देखेपछि डराएर आफू भागेको बयानका क्रममा अभियुक्तले बताएको कास्कीका प्रहरी उपरीक्षक हरिबहादुर पालले जानकारी गराए ।

मृतक पुन न्युरोडको स्माइल क्याफेमा कार्यरत तथा खड्गी गेम हाउस सञ्चालक रहेको प्रहरीले जनाएको छ ।

प्रतिक्रिया

सम्बन्धित सामाग्री

फेसबुक