काठमाडौँ, २२ माघ । राजधानीमा आज भूकम्पको धक्का महसुस गरियो । गोरखा भूकम्प गएको १० महिना बित्न लाग्दासमेत परकम्प आउने क्रम रोकिएको छैन ।
आज राति १० बजेर ५ मिनेट जाँदा सिन्धुपाल्चोकलाई केन्द्रबिन्दु बनाएर ५.५ रिक्टर स्केलको परकम्प गएको हो ।
राष्ट्रिय भूकम्प मापन केन्द्रका प्रमुख लोकविजय अधिकारीका अनुसार सिन्धुपाल्चोकलाई केन्द्रबिन्दु बनाएर अर्को परकम्प गएको हो । उहाँले आजको भूकम्प नयाँ नभएको बताउनुभयो ।
रातको समयमा भूकम्प आएका कारण नागरिक भने डर र त्रासका कारण सडकमा निस्किएका छन् । गोरखा भूकम्पपछि हालसम्म ४२८ वटा चार रिक्टर स्केलमाथिका परकम्प गएका छन् ।
