शुक्रबार, असोज ९ २०७७ | Fri, September 25, 2020
नेपालको समय: १८:५३ | UK Time: 14:08

उच्चस्तरीय राजनीतिक संयन्त्र बैठकमा ओलीको भारत भ्रमणबारे छलफल

वीनेपाली
२०७२ माघ १७ गते १०:५०
सिंहदरबारमा आज भएको उच्चस्तरीय राजनीतिक संयन्त्रको बैठकमा सहभागी प्रधानमन्त्री केपी शर्मा ओली, संयन्त्रका संयोजक एवम् एकीकृत नेकपा (माओवादी) का अध्यक्ष पुष्पकमल दाहाललगायत सत्तारुढ दलका नेताहरु । तस्विर ः भीष्मराज ओझा, रासस

सिंहदरबारमा आज भएको उच्चस्तरीय राजनीतिक संयन्त्रको बैठकमा सहभागी प्रधानमन्त्री केपी शर्मा ओली, संयन्त्रका संयोजक एवम् एकीकृत नेकपा (माओवादी) का अध्यक्ष पुष्पकमल दाहाललगायत सत्तारुढ दलका नेताहरु । तस्विर ः भीष्मराज ओझा, रासस

काठमाडौँ, १७ माघ । सरकार सञ्चालनका लागि समन्वय गर्न गठित उच्चस्तरीय राजनीतिक संयन्त्रमा प्रधानमन्त्री केपी शर्मा ओलीको भारत भ्रमणबारे छलफल भएको छ ।

संयन्त्रको कार्यालय सिंहदरबारमा आज बसेको बैठकमा निकट भविष्यमा हुने भनिएको प्रधानमन्त्रीको भारत भ्रमणलगायत समसामयिक राजनीतिक विषयमा प्रारम्भिक छलफल भएको छ । बैठकमा प्रधानमन्त्रीको भारत भ्रमण, समसामयिक राजनीतिक परिस्थिति, सरकारको कामको समीक्षा, मधेस आन्दोलन र नाकाबन्दीबारे कार्यसूची प्रस्तुत भएको संयन्त्रका संयोजक एकीकृत नेकपा (माओवादी) का अध्यक्ष पुष्पकमल दाहालले जानकारी दिनुभयो ।

नेकपा (एमाले) वरिष्ठ नेता झलनाथ खनालले समय अपुग भएकाले आजै साँझ बस्ने संयन्त्रको बैठकमा थप छलफल हुने जानकारी दिनुभयो । राष्ट्रिय प्रजातन्त्र पार्टीका नेता पशुपतिशम्शेर जबराले बैठकमा आफूले सीमाको अवरोध मात्र मधेसको समस्या नभई प्रान्तीय सीमाको विषय पनि जोडिने भएकाले त्यस बारेमा गम्भीर छलफल हुनुपर्ने धारणा राखेको जानकारी गराउनुभयो ।

बैठकमा एमालेका नेता माधवकुमार नेपाल, मधेसी जनाधिकार फोरम नेपाल (लोकतान्त्रिक) का अध्यक्ष विजयकुमार गच्छदार, राष्ट्रिय जनमोर्चाका अध्यक्ष चित्रबहादुर केसी, नेमकिपाका अध्यक्ष नारायणमान बिजुक्छेलगायत सत्तागठबन्धन दलका नेता उपस्थित हुनुहुन्थ्यो ।

प्रतिक्रिया

सम्बन्धित सामाग्री

फेसबुक