शुक्रबार, असोज २ २०७७ | Fri, September 18, 2020
नेपालको समय: २२:४९ | UK Time: 18:04

तुयुमतीको रेड कार्पेट प्रिमियर आज

वीनेपाली
२०७२ माघ १७ गते १०:२५

12522962_879047372192605_503177832544131473_n
लन्डन । नेपाल भाषाको चलचित्र तुयुमतीको रेड कार्पेट प्रिमियर शो आज दिउसो हुने भएको छ । लन्डन ह्यारोस्थित सफारी सिनेमा हलमा एक बजे प्रिमियर शो गर्न लागिएको हो ।

उक्त फिल्मका अभिनेता एवं निर्देशक मनिष श्रेष्ठले शोको तयारी भइसकेको जनाउंदै करिब तीन सय सहभागी आउने अपेक्षा गरिएको जनाए ।

नेपाल भाषाको संरक्षण र विदेशमा नेपाली चलचित्र प्रवर्धनका लागि समर्पित श्रेष्ठले सोही फिल्म आगामी २८ फेब्रुअरीका दिन एसियन कम्युनिटी हल, प्लमस्टिडमा समेत देखाइने जनाए ।

12656138_10156343777225391_1653824902_o

फिल्मको अंग्रेजी र नेपाली सबटाइटल भएकाले जुनसुकै वर्ग र जातीले समेत हेर्न सक्नेछन् ।

नेपाल र बेलायतमा छायांकन गरिएको उक्त फिल्म अनु श्रेष्ठ (निर्मात्री), देवेन्द्र श्रेष्ठ र दीपक श्रेष्ठले निर्माण गरेका हुन् ।

तुयुमतिको बेलायत भाग निर्देशन मनिष श्रेष्ठ, छायांकन कुशल श्रेष्ठ र नेपाल भागको निर्देशन आरएम नकमी एवं छायांकन राजु कार्कीले गरेका छन् ।

फिल्ममा मनिष श्रेष्ठ, अर्नेश्वरी शिल्पकारी, मदनकृष्ण श्रेष्ठ, राजेन्द्र खड्गी, हिसिला महर्जन, धिरेन शाक्य, सविन शाक्य, राजाराम पौडेल, ह्दयप्रसाद मिश्र, सुनिता सिंह, सुशील प्रजापति, विनोद चिपालु, दीपा शाक्य लगायत यूके र नेपालका कलाकारको अभिनय छ । यसमा फिल्म निर्माण सम्वन्धि अध्यापन गर्ने केही बेलायती प्राध्यापकले समेत खेलेका छन् ।

प्रतिक्रिया

सम्बन्धित सामाग्री

फेसबुक