आइतबार, असोज ११ २०७७ | Sun, September 27, 2020
नेपालको समय: ०४:१५ | UK Time: 23:30

वृद्धाश्रमका लागि लन्डनमा च्यारिटी हुंदै

वीनेपाली
२०७२ माघ १५ गते १६:४१

11855686_1626789647600263_950938144871211474_n

लन्डन । दमक झापामा सञ्चालित रत्न आश्रमको सहयोगार्थ लन्डनमा च्यारिटी डिनर हुने भएको छ । आगामी अप्रिल ३० तारिख सांझ ह्यारोबरो फुटबल क्लवमा कार्यक्रम गर्न लागिएको संस्थापक मनमाया सुनुवार (आले) ले जनाइन् ।

उक्त वृद्धाश्रममा हाल तीन वृद्धवृद्धाले आश्रय लिइरहेका छन् । बेलायतमा 
नर्सिङ पेशामा आवद्ध सुनुवारको आफ्नै खर्चमा उनीहरुलाई औषधोपचारसहित खाना, बस्न निशुल्क व्यवस्था मिलाइएको छ । ७ कोठे वृद्धाआश्रममा असहाय र अपहेलित वृद्धवृद्धा थप्ने योजना सुनुवारको छ ।

च्यारिटीका लागि नेपलिज नर्सिङ एसोसिएसन यूके, मिसन टु हेल्प नेपाल, वेम्ली महिला मगर संघ र जुनकिरी इनिसियटिभ्स् ले सघाउने भएका छन् । बिहीबार ति संस्थाका तर्फबाट क्रमशः रश्मिता दर्लामी, बबी लामा, शशी थापा सुब्बा, लक्ष्मी राई (लारा) र गोर्खा च्यानलकी विमला सेनेले 
तयारी सम्वन्धमा छलफल गरेका थिए । उक्त अवसरमा जिम्मेवारी बांडफांडबारे समेत छलफल भयो ।

रत्न आश्रमकी संस्थापक मन सुनुवारले च्यारिटीमा आइदिएर सहयोग गर्न सबैमा अपिल गरेकी छिन् ।

प्रतिक्रिया

सम्बन्धित सामाग्री

फेसबुक